काठमाडौं । पूर्व प्रधानमन्त्री एंव जनता समाजवादी पार्टी (जसपा)का संघीय परिषद् अध्यक्ष डा. बाबुराम भट्टराईले नेपालमा गणतन्त्रको जग हल्लिदाँ आउने अस्थीरताले देशको भविष्य के हुन्छ त्यसबारे सोच्न आग्रह गरेका छन् । पूर्व राजा र राजावादीलाई लक्षित गर्दै धर्मको राजनीति नेपाली जनताले बुझेका छैनन् भन्ने नठान्न चेतावनीसमेत दिएका छन् । शुक्रबार बिहान ट्विट गर्दै भनेका छन्, ‘पूर्व राजा र राजावादीहरूले अरू जेसुकै दावी गरे पनि आफुलाई’राष्ट्रवादी’चैं नभनून् ! उनको जस्तो धर्मको राजनीति देशबाहिर कस्ले गरिरहेको छ र त्यसको सालनाल कसरी जोडिएको छ नेपाली जनताले बुझेका छैनन् भन्ने नठानून्। नेपालमा गणतन्त्रको जग हल्लिदा आउने अस्थीरताले देशको भविष्य के हुन्छ सोचून् ।’ यस्तै, गणतन्त्र,संघीयता,धर्मनिरपेक्षता,समावेसी लोकतन्त्र आधुनिक नेपालरूपी खाटका ४ खुट्टा रहेको उनको भनाई छ । ‘यीमध्ये कुनै एक खुट्टा भॉचिदा पूरै खाट लड्छ । यो वैज्ञानिक तथ्य विभिन्न पार्टीभित्र रहेका छद्म राजावादी,एकल धर्मवादी,संघीयताविरोधीहरूले वेलैमा बुझून्। चकचके बॉदरको कथामा झैं आफ्नै अण्डकोष नफोरून्!’ उनले ट्विटरमा लेखेका छन् ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.