हेटौँडा । जिल्ला समन्वय समिति महासंघ बागमती प्रदेशले संघीय सरकार गृह मन्त्रालयको अव्यवहारिक मापदण्डले ढुङ्गागिट्टी बालुवाको उत्खनन् गर्न समस्या भएको जनाएको छ। बिहिबार जिल्ला समन्वय समिति मकवानपुरमा भएको पत्रकार भेटघाट कार्यक्रममा बोल्दै समन्वय समिति महासंघ बागमती प्रदेश संयोजक रघुनाथ खुलालले यसो बताएका हुन।संयोजक खुलालले ढुंगा, गीट्टी, बालुवाको उत्खनन्का लागि सरकारले जारी गरेको मापदण्ड र गृहमन्त्रालयद्धारा जारी परिपत्रका कारण समस्या भएको उल्लेख गरेका छन्। ुगृहको परिपत्रले उत्खनन् कार्य प्रभावित हुँदा विकास निर्माणमा समेत असर परेको छ।उत्खन्नमा अंकुश लगाउदा स्थानीय सरकारको आम्दानीमा समेत ठूलो असर परेको छु ( खुलालले भने। उनले पत्रकार समक्ष महासंघले पटक पटक संघीय सरकारलाई यस कार्यबाट हुने असरको जानकारी गराउदा समेत सरकारले कुनै सुनुवाई नगरेको आरोप लगाए।भेटघाट मार्फत नयाँ मापदण्डका कारण वातावरणीय प्रभाव मूल्यांकन प्रतिवेदन स्वीकृत हेटौँडा उपमहानगरपालिकाको स्थानीय तहको नदीजन्य पदार्थको ठेक्कासमेत प्रभावित बनेकोमा महासंघको ध्यानाकर्षण भएको जनाएको छ। भेटघाट कार्यक्रममा जिल्ला समन्वय समिति मकवानपुरकी उप(प्रमुख भगवती पुडासैनी, मनहरी गाउँपालिका अध्यक्ष एकराज उप्रेती,मकवानपुरगढी गाउँपालिकाका अध्यक्ष बिदुर हुमागाईं, बकैया गाउँपालिकाका उपाध्यक्ष सरला बोलखे लगायतकाको उपस्थिति रहेको थियो ।

तिब्बतमा ७ म्याग्निच्युडको भूकम्प, १६ जनाको मृत्यु

आगामी तीन दिन देशका अधिकांश स्थानमा मौसम सफा रहने

तीन महिनामा २० हजारभन्दा बढीले गरे पाथीभराको दर्शन, ३३ लाख २६ हजार भेटी संकलन