☰

भर्खरै

लोकप्रिय समाचार

खैरहनी नगरपालिकाले यस बर्ष १ करोडको कृषि अनुदान बितरण गरिदै

  •   बुधबार, पुष ०१, २०७७ मा प्रकाशित
    • अ
    • अ
    • अ

    चितवन  । खैरहनी नगरपालिकाले यस बर्ष करिब १ करोड रुपैयाँ बराबरको अनुदान कार्यक्रम संचालन गर्दैछ । साना सिंचाइ ,कृषि औजार बितरण ,बाली बस्तुको बिकास कार्यक्रमका लागि चालू आर्थिक बर्षमा ९६ लाख रुपैयाँ खर्चिन लागेको नगरपालिकाले जनाएको छ । कृषि शाखा प्रमुख कृषि अधिकृत दिपेन्द्र अर्यालका अनुसार खैरहनी नगरपालिका र संघिय सरकारको शशर्त कार्यक्रम अन्तर्गत सो बजेट बराबरको कार्यक्रम संचालन हुन लागेको हो । नगर कृषि कार्यक्रम अन्तर्गत साना सिंचाइ कार्यक्रममा ८५ प्रतिशत अनुदान, ,नयाँ कृषि प्रबिधि बिस्तारका लागि सामाग्री बितरण ७५ प्रतिशत अनुदान,,नयाँ प्रबिधिमा आधारित मेसिनरी औजार उपकरण बितरणमा ७५ प्रतिशत अनुदान ,विद्युतिय ( ब्याक्ट्री ) स्प्रेयर बितरणमा ५० प्रतिशत अनुदान र कृषि सामाग्री बितरण ( सिड ट्रिटर आदि ) मा ८० प्रतिशत अनुदान दिइने कृषि अधिकृत अर्यालले बताए । साना सिंचाइ कार्यक्रमका लागि यस बर्ष २० लाख रुपैयाँ , नयाँ कृषि प्रबिधी बिस्तारका लागि सामाग्री बितरण कार्यक्रममा १५ लाख रुपैयाँ ,नयाँ प्रबिधिमा आधारित मेसिनरी औजार उपकरण बितरणका लागि ३० लाख रुपैयाँ ,स्प्रेयर बितरणका लागि ५ लाख र सिड ट्रिटर आदि बितरणका लागि २ लाख रुपैयाँ बिनियोजन गरिएको छ । अनुदान प्राप्त गर्नका लागि सुचना प्रकासित गरेर माग आह्वान गरिसकेको प्राबिधिक सहायक ध्रुव आचार्यले जानकारी दिए । कृषक,कृषक समूह,उपभोक्ता समूह,कृषि सहकारी ,निजि कृषि फर्मले माग गर्न सक्नेछन् । अनुदान कार्यक्रमका लागि निवेदन ,सहकारी,कृषि फर्म,कृषक समुहको हकमा दर्ता प्रमाणपत्रको प्रतिलिपी ,कर चुक्ता प्रमाणपत्रको प्रतिलिपी,संस्थागत निर्णयको प्रतिलिपी,एकीकृत सम्पती कर तिरेको रसिद,सम्बन्धित वडा कार्यालयको सिफारिस,साना सिंचाइ कार्यक्रमका लागि कम्तीमा २० कठ्ठा क्षेत्रफल तथा न्युनतम ५ सदस्यीय उपभोक्ता समिती गठन गरेको हुनुपर्नेछ । यस्तै संघीय सरकारबाट हस्तान्तरित शशर्त कार्यक्रम अन्तर्गत रास्ट्रिय तथा स्थानीय महत्त्वका खाद्य तथा पोषण सुधारम टेवा पुर्याउने बाली बस्तुको साना ब्यवसायिक कृषि उत्पादन क्षेत्र ( पकेट) बिकास कार्यक्रमका लागि २४ लाख रुपैयाँ बिनियोजन भएको छ । खैरहनी नगरपालिका मेयर लालमणी चौधरीले खैरहनी कृषिमा आधारित नगरपालिका रहेकाले कृषिलाई पहिलो प्राथमिकता दिएर अनुदान तथा अन्य कार्यक्रम संचालन गरिरहेको बताए । खैरहनिलाई धान,मकै,तोरि,केरा,माछा पालनको पकेट क्षेत्र मानिन्छ । यहाँ धान जोन,माछा जोन ,मौरी जोन र केरा जोन कार्यक्रम समेत लागू भएको छ ।

    लोकप्रिय

    भर्खरै