नवलपुर । जिल्ला प्रहरी कार्यालय नवलपरासी (पूर्व) ले अवैध रुपमा नदीजन्य पदार्थ उत्खनन्मा संलग्न १६ वटा ट्याक्टरलाई नियन्त्रणमा लिएको छ । नम्वर नै नभएका ट्याक्टर समेत चोरीमा संलग्न भएको पाइएको जिल्ला प्रहरी कार्यालय नवलपुरका सुचना अधिकारी प्रहरी नायव उपरीक्षक मोहन बहादुर खांणले जानकारी दिनुभयो । उहाँका अनुसार गएराति विनयी त्रिवेणी गाउँपालिका वडा नं। १ विनयी खोला बाट उनीहरुलाई नियन्त्रणमा लिइएको हो । खाँणका अनुसार नियन्त्रणमा रहेका ट्याक्टरहरुमा ना ७ त ३६२०, ना ७ त २५०२, लु ३ त ७८०, लु ३ त ९१७६, लु ४ त ५३९, लु २ त ९६११,लु ४ त ५८९, लु ४ त ३६६५, लु ३ त ९५७९ र नम्बर नभएको ७ वटा गरि कुल १६ वटा रहेका छन् । जिल्लाको प्रहरी टोली र ईलाका प्रहरी कार्यालय दुम्किबासबाट खटिएको प्रहरी टोलीले नियन्त्रणमा लिई आवश्यक कार्वाहीको लागी सम्बन्धित कार्यालयमा पठाईएको नवलपुर प्रहरीले जनाएको छ ।

तिब्बतमा ७ म्याग्निच्युडको भूकम्प, १६ जनाको मृत्यु

आगामी तीन दिन देशका अधिकांश स्थानमा मौसम सफा रहने

तीन महिनामा २० हजारभन्दा बढीले गरे पाथीभराको दर्शन, ३३ लाख २६ हजार भेटी संकलन