फाइल फोटो

बाँके । बाँके प्रहरीले राप्तीसोनारी गाउँपालिकाबाट भरुवा बन्दुकसहित एक जनालाई पक्राउ गरेको छ । पक्राउ पर्नेमा राप्तीसोनारी गाउँपालिका–५ स्थित जबरपुरका ६८ वर्षीय ऋषिराम थारू रहेका छन् ।

ऋषिरामको घरबाट भरुवा बन्दुक दुई थान, छोरा ओमप्रकाश थारूको घरबाट एक थान बाह्रबोर बन्दुक र भाइ लालबहादुर थारूको घरबाट एक थान कटुवा पेस्तोल, त्यसमा लाग्ने बारुद एक किलो, सटगनमा लाग्ने खोका ५० वटा, सटगन जेगीराउन्ड एक थान, जरायोको सिङ तीन थान, बँदेलको दाँत १० थान, चित्तलको दाँत चार थान र दुम्सीको प्वाँख फेला परेको इलाका प्रहरी कार्यालय धामपुरका प्रहरी सहायक निरीक्षक फत्तेसिंह थारूले जानकारी दिए ।

ऋषिराम पक्राउ परेपनि लालबहादुर र ओमप्रकाश फरार रहेकाले खोजी भईरहेको प्रहरीले जनाएको छ । पक्राउ परेका थारू २०७४ को निर्वाचनमा देशभक्त जनगणतान्त्रिक मोर्चा नेपालबाट गाउँपालिका अध्यक्ष र बाँके १ नम्बर निर्वाचन क्षेत्र ‘क’ बाट प्रदेशसभा सदस्यको उम्मेदवार बनेका थिए ।

रामपुरका तीन सय सात जना किसानलाई अनुदानमा गहुँको बीउ वितरण

आयुर्वेद चिकित्सालयमा बर्सेनी बिरामीको सङ्ख्या वृद्धि

मादलले बजार पाएपछि जुठे बादी प्रसन्न