चितवन । चितवनमा कोरोना संक्रमणबाट आज दुई जनाको मृत्यु भएको छ । स्वास्थ्य कार्यालय चितवनले उपलब्ध गराएको तथ्यांक अनुसार भरतपुर अस्पतालमा एक जना र चितवन मेडिकल कलेजमा एक जनाको कोरोना संक्रमणबाट निधन भएको हो । दुवै जना चितवन जिल्लाका हुन् । त्यसैगरी विगत २४ घण्टामा चितवनका विभिन्न अस्पतालबाट ४३ जना कोरोनाका बिरामी डिस्चार्ज भएका छन् ।

यसैगरी अस्पतालहरुमा कोरोनाका बिरामीहरुको चाप बढेर २३२ जना पुगेको छ । जसमध्ये आईसीयूमा ९२ जना, भेन्टिलेटरमा ३० जना, एचडीयूमा ४८ जना र सामान्य बेडमा ९२ जना रहेका छन् । त्यस्तै चितवनमा आज १६५ जना कोरोना संक्रमित थपिएका छन् । जसमा भरतपुर महानगरपालिकामा १२४ जना, खैरहनीमा ६ जना, माडी नगरपालिकामा १३ जना, रत्ननगरमा ११ जना, राप्तीमा एक जना र कालिकामा तीन जना रहेका छन् ।

योसँगै चितवनमा सक्रिय संक्रमितको संख्या दुई हजार ५३१ रहेको छ । जसमध्ये घरमा आइसोलेसनमा दुई हजार ३४९ जना, अस्पतालमा आइसोलेसनमा १७६ जना र सार्वजनिक आइसोलेसनमा ६ जना रहेका छन् ।

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने

चितवनमा रहेको धान ‘जोन’मा उत्पादन बढ्यो