गैँडाकोट । जापानमा बस्दै आउनुभएका गैँडाकोट ५ का हरि सापकोटाले देवघाट गाउँपालिका वडानम्वर ५ का तीन वटा आमा समूहलाई कुर्सी सहयोग गर्नुभएको छ । महिलाहरुलाई नेतृत्वमा पुर्याउन देखि सभ्य समाज निर्माणमा सक्रिय उक्त समूहलाई कुर्सी अति आवश्यक परेको थाहा पाएपछि २० वटाका दरले ६० वटा प्लाष्टिकका कुर्ची सहयोग गर्नुभएको हो । गैँडाकोट ५ का वडाअध्यक्ष नवराज कडेँलको समन्वयमा गाउँपालिका ५का मिलिजुली आमा समूह, सृजनशील र छाब्दीवराह आमा समूहलाई कुर्सी सहयोग गरिएको हो ।
सापकोटाले आफ्नो स्वर्गिय पिता खिमलाल सापकोटाको स्मृतिमा पवित्र धाम देवघाटमा रहेका आमासमूहलाई कुर्सी सहयोग गर्न पाउँदा खुशी लागेको बताउँदै थप समाज परिवतर्नका कार्य गर्दै जान आग्रह गर्नुभयो । आमासमूहको आगामी कार्यक्रम हेरी आवश्यकतामा आधारमा सहयोग गर्दै जाने बताउँदै सापकोटाले जापानमा रहेर पनि नेपालका विभिन्न प्राकृतिक विपत्तीमा परेका, मठ मन्दिर आदिमा निरन्तर सहयोग गर्दै आएको जानकारी दिनुभयो ।
कार्यक्रममा बोल्दै प्रमुख अतिथि देवघाट गाउँपालिकाका अध्यक्ष दुर्ग बहादुर थापाले दानवीरप्रति आभार व्यक्त गर्दै आमा समूहलाई अति आवश्यक परेको सामाग्री सहयोग मिलेको बताउनुभयो । गैँडाकोट ५ का वडाअध्यक्ष कडेँलको समन्वयमा कुर्सी प्राप्त पछि अव तालिम,बैठक,विवाह ब्रतवन्ध, सांस्कृतिक कार्यक्रम गर्दा भुइमा बस्नुपर्ने वाध्यताको अन्त्य भएको बताउनुभयो । जापानमा रहेरपनि देवघाट गाउँपालिकामा आएर सहयोग गर्नुभएको भन्दै हरि सापकोटालाई आगामी कार्यमा पनि सहकार्य गर्दै अघि बढ्न आग्रह गर्नुभयो ।
कार्यक्रममा बोल्दै विशिष्ट अतिथि गैँडाकोट ५ का वडाअध्यक्ष नवराज कडेँलले आवश्यकतामा आधारमा आफूले जहाँ पनि सहयोग समन्वय गर्न तयार रहेको भन्दै प्राप्त कुर्सीको सही सदुपयोग गर्न आग्रह गर्नुभयो । गाउँपालिका ५ का वडाअध्यक्ष याल वहादुर गुरुङले सहयोगी मनहरुप्रति आभार सहित दानवीरको सधैँ हित हुने बताउँदै मायाको चिनो स्वरुप ग्रहण गर्दै प्रयोग गर्न सुझाव दिनुभयो ।
चक्रवर्ती सामुदायिक वनमा भएको कार्यक्रममा देउपुर टोल विकास संस्थाका अध्यक्ष चुक वहादुर गुरुङ, गैँडाकोटका सुर्य अधिकारी, ध्रुव सापकोटा, आमा समूहका सदस्यहरुको उपस्थिती रहेको थियो । अशोक रानाले कार्यक्रमको सहजीकरण गर्नुभएको थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.