नवलपुर । नवलपुरमा गएसाँझ मोटरसाइकल आपसमा ठोक्किदा एकजनाको मृत्यु भएको छ भने तीनजना घाईते भएका छन । मृत्यु हुनेमा देवचुली नगरपालिका वडा नम्बर १ की नैना बस्ताकोटी रहेकी छिन ।

जिल्ला प्रहरी कार्यालय पूर्वनवलपरासीका अनुसार पूर्व पश्चिम राजमार्गमा पूर्वबाट पश्चिम गईरहेको लु २२ प ६७६९ नम्बर र विपरीत दिशा तर्फ जांँदै गरेको ०३–००३ प १५२६ नम्बरको आपसमा ठक्कर खांँदा उक्त दुर्घटना भएको थियो । घाईते मध्ये उपचारका क्रममा पुरानो मेडिकल कलेजमा नैना बस्ताकोटीको ६ः२५ बजे मृत्यु भएको हो । अन्य तीनजना घाईतेको उपचार भईरहेको छ ।

प्रहरीका अनुसार वाग्मती प्रदेश ०३–००३प १५२६ का चालक ज्ञानप्रसाद बस्ताकोटीको टाउको र बांँया खुट्टामा मध्यम चोट लागेको छ । अर्का लु २२प ६७६९ नम्बरका चालक कपिलवस्तु जिल्ला बुद्ध नगरपालिका वडा नम्बर २१ रञ्जित मल्लको अनुहारमा चोट लागेको छ भने सोही मोटरसाइकल पछाडि बस्ने रणदिप मल्लको अनुहारमा मध्यम चोट लागेको प्रहरीले जनाएको छ ।

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने

बिहीबारदेखि देशका विभिन्न क्षेत्रमा वर्षा हुने