चितवन । नेपाली काँग्रेसको १४ औं महाधिवेशन अन्तर्गत चितवन जिल्लाको अधिवेशन मिति तय गर्न बैठक आह्वान गरिएको छ । जिल्ला सभापति जितनारायण श्रेष्ठले आइतबारका लागि कार्यसमितिको बिशेष बैठक आह्वान गरेका हुन् ।

बैठक नारायणगढको कमलनगर स्थित पार्टी कार्यालयमा दिउँसो १ बजे बस्ने श्रेष्ठले बताए । बैठकमा सहभागी हुन कार्यसमितिका पदाधिकारी, सदस्य, क्षेत्रीय, प्रदेश तथा पालिका सभापतिहरुलाई आग्रह गरिएको छ । नेकपा एमालेको १० औं राष्ट्रिय अधिवेशनलाई कारण देखाउँदै काँग्रेस चितवनको १० र ११ गते हुने भनिएको अधिवेशन स्थगित गरिएको थियो ।

काँग्रेस चितवनको अधिवेशन अन्तर्गत १० गते मनोनयन दर्ता तथा ११ गते भरतपुर कभर्ड हलमा मतदान हुने कार्यक्रम तय भएको थियो । मनोनयन दर्ताको एक दिन अघि काँग्रेस चितवनको सिफारिसमा निर्वाचन समितिले अधिवेशन स्थगित गरेको थियो ।

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने

बिहीबारदेखि देशका विभिन्न क्षेत्रमा वर्षा हुने