चितवन । बाढिले बगाएर भारत पुगेको एउटा गैंडा नेपाल तर्फ आएको मौका पारेर उद्धार गरि चितवन राष्ट्रिय निकुञ्ज तर्फ ल्याईदै छ । भारतिय सिमा क्षेत्र विनय त्रिवेणी गाउँपालिका वडा नम्बर ६ बाट गैंडालाई डाट गरेर बेहोस वनाई आज चितवन तर्फ ल्याउँदै गरिएको हो । चितवन राष्ट्रिय निकुञ्जका बरिष्ठ पशु चिकित्सक डा. बिजय श्रेष्ठका अनुसार अन्दाजी ७÷८ वर्षको भाले गैंडालाई उद्धार गरि ल्याईएको हो ।

बाढिका कारण भारत पुगेको सो गैंडा यही मंसिर १५ गते नेपाल तर्फ आएको थियो । नेपालमा उखु, तरकारी लगाएतका खाध्ययान्न बालि खान पल्किएको गैंडा यस अघि तिहारको समयमा केही दिन सोही क्षेत्रमा देखिएको थियो । श्रेष्ठका अनुसार त्यतिवेला नियन्त्रणमा लिन खोज्दा भागेर भारत तर्फ गएको थियो । नेपाल तर्फ आएको मौका पारेर गैंडालाई चितवन ल्याईउन लागिएको हो । श्रेष्ठले भन्नुभयो “वि. सं. २०७४ वा त्यस अघिका बाढिमा यो गैंडा बगेर भारत पुगेको हो ।”

श्रेष्ठकै नेतृत्वमा निकुञ्ज र राष्ट्रिय प्रकृति संरक्षण कोषका प्राबिधिक कर्मचारी संगै सुरक्षा कर्मीले गैंडालाई उद्धार गरेका हुन । सो क्रममा ६ वटा हात्ती परिचालन गरिएको थियो । निकुञ्जका सूचना अधिकारी गणेश प्रसाद तिवारीका अनुसार गैंडालाई निकुञ्जको पूर्बी क्षेत्रमा छाडीदैं छ । गैंडाको संख्या कम भएको क्षेत्रमा छाड्न लागिएको हो । सुस्ताको उखुबारीमा गैंडा चरेको देखेपछि स्थानीयले निकुञ्जलाई खबर गरेका थिए । सन् २०१७ र २०१८ मा नेपालले भारतका विभिन्न ठाउँमा पुगेका १० वटा गैंडा फिर्ता गरेको थियो। भारत पुगेर आफैं नेपालतर्फ फर्किएका ३ गैंडालाई पनि सीमा नजिकैबाट डार्ट गरेर चितवन राष्ट्रिय निकुञ्ज ल्याइएको थियो।

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने

चितवनमा रहेको धान ‘जोन’मा उत्पादन बढ्यो