चितवन । भरतपुर महानगरको ९ मा रहेको सहभागी बचत ऋण सहकारी संस्थाले २ करोड ७९ लाख बढी ऋण लगानी गरेको छ । ९ औं वार्षिक साधरणसभा तथा चौथो अधिवेशनमा सचिव डासिराम ढकालले प्रतिवेदन प्रस्तुत गर्दै व्यवसायमा लगानी वृद्धि गर्न धेरै शेयर सदस्यले कर्जा लिएको बताए । उनका अनुसार यो वर्ष २ करोड ७९ लाख ३९ हजार ४ सय रुपैयाँ ऋण लगानी भएकोमा आगामी वर्ष करिव ४ करोड लगानी गर्ने लक्ष्य लिइएको छ ।

नियमित मासिक बचतमा ८ प्रतिशत, बालबचतमा १० प्रतिशत, दैनिक बचतमा ६ प्रतिशत र ऋणमा १२ प्रतिशत ब्याजदर प्रदान गरेको छ । २०६९ चैतमा २९ जना शेयर सदस्यबाट सुरु भएको सहकारीमा हाल ९ सय २५ जना शेयर सदस्य छन् । भरतपुर महानगरको ८, ९, १० र १२ नम्बर वडालाई कार्यक्षेत्र बनाएको छ । सहभागि सहकारीको १ करोड ९० हजार ३ सय रुपैयाँ शेयर पुँजि र २ करोड २६ लाख ७९ हजार २ सय १० रुपैयाँ निक्षेप रहेको छ । अध्यक्ष सूर्यप्रसाद खनालले सीपमूलक तथा व्यवसाय लगायतका तालिम गरेर उद्यमशीलता प्रवर्द्धनका कामहरु गरिदै आएको बताए । असार मसान्तसम्म ऋण किस्ता र व्याज भुक्तान गर्न नसकेकालाई पुस मसान्तसम्म छुट दिइएको बताए । कोरोना महामारीका कारण व्यापार-व्यवसायमा मन्दी आएकाले पुस मसान्तसम्म छुट दिइएको बताए । असल बचतकर्ता रामबिलास महतो, असल ऋणी रविकुमार दराई, असल बाल क्षबचतकर्ता रामविर महतो, शेयर सदस्य परिवारबाट एसईईमा उत्कृष्ट अंक ल्याउने आयुषा कँडेल र मनिष सुनार, जेष्ठ शेयर सदस्य हरिलाल रिजाल र मक्षे रेग्मीलाई सम्मानित गरिएको थियो ।

अधिवेशनको उद्घाटन कार्यक्रममा भरतपुर-९ का वडाध्यक्ष यमलाल कँडेलले नीति र विधि अनुसार सहकारीहरु चल्नुपर्नेमा जोड दिए । चितवन जिल्ला बचत तथा ऋण सहकारी संघका ऋण समितिका संयोजक मिनप्रसाद सुवेदीले शेयर सदस्यको चाहना र आवश्यकता अनुसारका कार्यक्रमलाई उच्चप्राथमिकता दिनुपर्ने बताए ।

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने

चितवनमा रहेको धान ‘जोन’मा उत्पादन बढ्यो