☰

भर्खरै

लोकप्रिय समाचार

हेटौंडाबाट लागुऔषध खैरो हेरोईन सहित दुईजना पक्राउ

  •   सोमबार, फागुन २३, २०७८ मा प्रकाशित
    • अ
    • अ
    • अ

    हेटौंडा । जिल्ला प्रहरी कार्यालय मकवानपुरले लागूऔषध खैरो हिरोइन सहित २ जनालाई नियन्त्रणमा लिएको छ । जिल्ला प्रहरी कार्यालय मकवानपुरबाट खटिएको प्रहरी टोलीले मकवानपुर जिल्ला हेटौंडा उपमहानगरपालिका–१५ पूर्व पश्चिम लोकमार्ग सडकखण्डबाट व्यक्ति र मोटरसाइकल नियन्त्रणमा लिएको हो ।

    बाराको पथलैयाबाट हेटौंडा तर्फ आउदै गरेको बा ९९ प ३०४१ नं. मोटरसाईकललाई जाँच गर्ने क्रममा मकवानपुर हेटौंडा – १० बस्ने २३ वर्षीय ठिल्ले लामा तामाङ र पछाडी सवार हेटौंडा –४ बस्ने २६ वर्षीय अजय घलेलाई नियन्त्रणमा लिइएको हो ।

    उनीहरुको साथबाट ७ ग्राम ६०० मिली ग्राम लागुऔषध खैरो हेरोईन फेला परेको निमित्त प्रहरी प्रवक्ता प्रहरी निरीक्षक सुमन बाँनियाले बताए। उनीहरुलाई मकवानपुर जिल्ला अदालतबाट दिन १५ को म्याद लिई थप अनुसन्धान कार्य भईरहेको बानियाँले बताए ।

    लोकप्रिय

    भर्खरै