चितवन । चितवनको भरतपुर स्थित आँपटारीमा रहेको जलदेबी सामुदायिक बन उपभोक्ता समुहले आफ्ना उपभोक्ता सदस्यहरुको आय आर्जन बढाउन १० हजार कुखुराको चल्ला बितरण गरेको छ । आँपटारी क्षेत्रका विपन्न र निम्न आय भएका व्यक्तिहरुलाई लक्षितगरी जिबिकोपार्जनमा सहयोग पुरयाउने उद्देश्यले ३५० बढी घरधुरीलाई चल्ला वितरण गरिएको हो।

नेपाल पोल्ट्री सप्लायर्स कल्याणकारी संघका अध्यक्ष तथा नेपाल ह्ययचरी उद्योग संघ बागमती प्रदेशका उपाध्यक्ष एवम् रोयल पोल्ट्री फर्मका संचालक मनोज रानाभाटले बन उपभोक्ता पदाधिकारीहरुको रोहवरमा सो चल्ला हस्तान्तरण गर्नुभएको थियो । जलदेबी सामुदायिक बन उपभोक्ता समुहका सल्लाहकार समेत रहनु भएका रानाभाटको उपस्थितिमा स्थानीयको दैनिकीलाई उकास्न र आम्दानी गरी बचतमा समेत टेवा पुग्नेगरी ती कुखुराको चल्ला वितरण गरिएको समुहका कार्यबाहक अध्यक्ष ऋषिकेश अर्यालले जानकारी दिनुभयो ।

वितरीत चल्लाको रेखदेख गरी हुर्काउन आग्रह गरिएको छ । सामुदायिक वनले विपन्न उपभोक्ताहरुको आर्थिक अवस्थालाई उकास्न विभिन्न कार्यक्रम ल्याउँदै कार्यान्वयन गरिरहेको छ । उक्त कार्यक्रमको सहजिकरण जलदेबी सामुदायिक बन उपभोक्ता समुहका सचिव मिन्द्र श्रेष्ठले गर्नभएको थियो ।

नेपाली कांग्रेस चितवन क्षेत्र नं. २(क) मा नवनिर्वाचित पदाधिकारीलाई पद हस्तान्तरण

बीपी कोइराला मेमोरियल क्यान्सर अस्पतालमा चिकित्सकको माग

प्रधानमन्त्री राहत कोषमा मौज्दात १८ अर्ब ३७ करोड नाघ्यो