चितवन । चितवनकाे रत्ननगरमा भारतीय ट्रकले साईकललाई ठक्कर दिंदा एक जनाकाे मृत्यु भएकाे छ। रत्ननगर ९ भानुचोकमा पुर्व पश्चिम राजमार्गमा पुर्वबाट पश्चिम तर्फ जादै गरेको बी आर ०६ जी डी ८६७२ नम्बर भारतीय ट्रकले विपरीत दिशाबाट आउदै गरेको साईकललाई ठक्कर दिएकाे हाे ।

ठक्करबाट साईकल पछाडि बस्ने रत्ननगर १० का ६ वर्षका प्रिन्स परियारकाे मृत्यु भएकाे छ। साईकल चालक बारा जिल्ला जितपुर ६ घर भई हाल साेही ठाउँ बस्ने १६ वर्षीय सौगात अली घाइते भएका छन् । उनकाे टाउको, हात, पेट, ढाडमा चोट लागेकाे छ । अवस्था मध्यम रहेकाे र पुरानो मेडीकल कलेजमा उपचार भई रहेको जिल्ला प्रहरी कार्यालय चितवनका प्रबक्ता डिएसपी नरहरी अधिकारी जानकारीले दिए ।

ट्रक चालक भारत जिल्ला बारबंशी कोतवाली नगर पंचायत बंकी ८ घर भएको वर्ष ३० को मोनु कश्यप ईलाका प्रहरी कार्यालय टांडीको नियन्त्रणमा रहेका छन् । ट्रक जिप्रका चितवनको नियन्त्रणमा रहेको, बाटो अबरोध नभएको प्रहरीले जनाएको छ।

नेपाली कांग्रेस चितवन क्षेत्र नं. २(क) मा नवनिर्वाचित पदाधिकारीलाई पद हस्तान्तरण

बीपी कोइराला मेमोरियल क्यान्सर अस्पतालमा चिकित्सकको माग

प्रधानमन्त्री राहत कोषमा मौज्दात १८ अर्ब ३७ करोड नाघ्यो