चितवन । चितवन क्षेत्र नम्बर २ मा आसन्न स्थानिय तहको निर्वाचनमा टिकट बितरणमा पैसाको चलखेल भएको गुनासो आए पछि काँग्रेस चितवनले छानविन समिति वनाएको छ । नेपाली काँग्रेस जिल्ला कार्यसमिति चितवनले क्षेत्र नम्बर २ का विभिन्न वडाको टिकट बितरणमा भएको भनिएको आर्थिक चलखेल र अनियमितता छानबिनका लागि एक समिति गठन गरेको छ ।

गृहमन्त्री बालकृष्ण खाणको उपस्थितिमा बिहिबार बसेको जिल्ला कार्यसमितिको बैठकले छानबिन समिति गठन गरेको हो । आर्थिक चलखेल र अनियमितता संबन्धि समाचार सार्बजनिक भएकाले जिल्ला सभापतिको सल्लाहमा छानबिन समिति बनाउन प्रस्ताब गरिएको थियो । जिल्ला सचिव सूर्य अर्यालका अनुसार सो समितिको संयोजकमा निवर्तमान जिल्ला सभापति जितनारायण श्रेष्ठ रहने गरी तीन सदस्ययी छानविन समिति गठन भएको हो । सदस्यमा सचिब सूर्य अर्याल र जिल्ला सदस्य ज्ञानेन्द्र गिरि छन ।

टिकट बितरणमा पैसा खाएको भन्दै बिभिन्न वडाका आकांक्षीहरुले क्षेत्रीय सभापतिमाथि आरोप लगाएका थिए । बुधबार सो आरोपको २ नम्बरका क्षेत्रीय सभापति भरत प्रसाद लामिछानेले खण्डन गर्नुभउको थियो । छानबिन समितिले यथाशिघ्र प्रक्रिया अघि बढाउने जिल्ला सचिब अर्यालले बताउनुभयो।

नेपाली कांग्रेस चितवन क्षेत्र नं. २(क) मा नवनिर्वाचित पदाधिकारीलाई पद हस्तान्तरण

बीपी कोइराला मेमोरियल क्यान्सर अस्पतालमा चिकित्सकको माग

प्रधानमन्त्री राहत कोषमा मौज्दात १८ अर्ब ३७ करोड नाघ्यो