समस्या त यो वडामा धेरै छन । विकास निर्माण, बाटो घाटो, पुल बनाउने, मर्मत गर्ने त्यत्तिकै समस्या छन । सबै समस्या एकैपटक समाधान गर्न सकिदैन । कति समस्या समाधानको प्रक्रियामा छन कति पुरा हुने चरणमा पनि छन । त्यसैले मैले यस्ता समस्यालाई अल्पकालिन , मध्यकालिन, दीर्घकालिन योजना बनाएर अगाडी बढ्ने सोचाईमा छु । कालिका ७ मा पिच गर्ने काम अब केहीमात्रामा बांँकी छ । किनकी पिच गर्ने बाटा लामो दुरीका भएकोले नगरपालिकाकाले बजेट सिमित भएकोले प्रदेशबाट बजेट ल्याउने प्रयासमा छौं ।

कालिकाका अन्य वडाहरु जस्तै यो वडामा पनि हरेका बर्षायाममा बाढी र डुबानले सास्ती खेप्दै आएका छन ?

यसका लागि के के हुंँदैछ ? यो नगरपालिकाका अधिकांश वडामा बाढी र डुबान बर्षौदेखिको समस्याको रुपमा देखिदै आएको छ । किनकी यहांँ वरपर जंगल , पहाड र खोलाहरु प्रशस्त छन । जसले गर्दा बर्षायाममा निकास गर्ने दीर्घकालिन समाधान गर्न हामीलाई चुनौति छ । यो वडा एक्लैले गरेर पनि समस्या समाधान हुँदैन । नगरपालिका र अन्य वडा अध्यक्षहरु संँग सहकार्य र समन्वय गरेर अगाडी बढ्दैछौं । यसअघि थाङ्गखोला र बुङ्ग खोलाको विषयमा केही काम भएको पनि थियो । यसको व्यवस्थापनका लागि कालिका ७, ६, २, ३ डुवानमा परेका वडालाई आगामी एकबर्षसम्म यसको व्यवस्थापन गर्न अगाडि बढ्ने बिषयमा घनिभुत छलफल गरेका छौं । यसको व्यवस्थापनको लागि पांँचबर्ष भित्र हामीले दिर्घकालीन समाधान लागि १ देखि ११ वडाका वडाअध्यक्षहरु लागिपरेका छौं । मैले फेरी पनि दोहोराएंँ भूमिहिन , अव्यस्थित बसोबास र बाढी डुबान समस्या समाधान मेरो पहिलो प्राथमिकता हो । यो वडाका स्याली बजार , लाहुरेचोक बढी डुबानमा परेको हुंँदा यसलाई निकास दिन तटबन्धनको लागि पनि लागि परेका छौं ।

भूमिहिन र अव्यस्थित बसोबासको व्यवस्थापनको काम कहांँ पुगेको छ ?

हालसम्म यो वडाको ४ वटा टोलसुधारको नक्सांकन र नापीको काम पुरा भएको अवस्था छ । उनीहरुको जग्गा प्राप्तिको लागि तीब्र रुपमा अगाडी बढाएको छु । हाल एकमहिनामा ११ वटा वडाहरुमा भूमिहिन र अव्यवस्थित बसोबासको फार्म भरेका थिए । अन्य वडाहरुको नापीको काम अघि बढाउंँदै छन । बिहान ६ बजेदेखि बेलुका ५ बजेसम्म काम गरिरहेका छौं । मैले चुनावी अभियानमा हुंँदै गर्दा मैले गरेका वाचा र प्रतिबद्धता पुरा गर्ने क्रममा छु । जस्तो नमुनाटोल, जनशक्तिटोल, जनहित टोल, वरपिपल टोल, जनविकास टोलको काम सकिएको अवस्था छ भने, त्रिनाथटोल , जुटपानी टोल बाह्रघरे टोल लगायतका टोलको नापजांँचको काम शुरु भएको छ ।

अन्त्यमा , फेरी कोभिड बढ्दै गएको अवस्था यस्तो अवस्थामा वडाले के गर्दै छ ?

यसबारे के भन्नुहुन्छ ? कोभिडको पहिलो लहरमा मानिसमा धेरै त्रास र अन्यौल थियो । तर हालसम्म आउंँदामा नागरिकमा धेरै सोच र सचेतनामा सुधार आईसकेको छ । सबैजसोले कोभिड विरुद्धको खोप पनि लगाई सक्नुभएको अवस्था छ । तरपनि हामी होशियार रहनुपर्छ । त्यसैले वडाबासीलाई धेरै भीडभाडमा नजाने , मास्क र सेनिटाईजर प्रयोग गर्ने र कोभिडको लक्षण भएमा नजिकैको स्वास्थ्य चौकी वा अस्पतालमा जान आग्रह गर्दछु ।