चितवन । त्रिभुवन आर्मी फुटबल क्लब नारायणगढको क्याम्पाचौरमा जारी इसुजु चितवन गोल्डकपको सेमिफाइनलमा प्रवेश गरेको छ । आज (बिहीबार) सम्पन्न अन्तिम क्वाटरफाइनल खेलमा नव जन जागृति युवा क्लब सिमरालाई ३-२ ले पराजित गर्दै आर्मीले सेमिफाइनलमा स्थान बनाएको हो । आर्मीको जितमा कप्तान जर्ज प्रिन्स कार्की, बिमल पाण्डे र सुदील राईले गोल गरे ।

सिमराका सुरेश कुमाल र अनिश चौधरीले गोल फर्काए । आर्मीले खेलको १६ औं मिनेटमा कप्तान जर्ज प्रिन्स कार्कीको गोलबाट अग्रता लिएको थियो । २२ औं मिनेटमा सिमराका सुरेशले बराबरी गोल फर्काए । २६ औं मिनेटमा बिमलले गोल गरेपछि पहिलो हाफमा आर्मीले २-१ को अग्रता लियो । दोस्रो हाफको सातौं मिनेटमा सुदीलले गोल गर्दै आर्मीको अग्रता लम्बाए ।

दोस्रो हाफको १९ औं मिनेटमा सिमराले पेनाल्टी पायो । आर्मीका खेलाडीले डिबक्स भित्र ह्याण्ड गरेपछि रेफ्रीले सिमरालाई पेनाल्टी दिए । प्राप्त अवसरलाई सदुपयोग गर्दै अनिशले गोल गरे पनि हार टार्न सकेनन् । आर्मीका कप्तान जर्ज प्रिन्स म्यान अफ दि म्याच भए । उनले नगद दश हजार रुपैयाँ प्राप्त गरे । यससँगै सेमिफाइनल पुग्ने सबै चारै टोलीको टुङ्गो लागेको छ ।

आजको विजेता आर्मीसँगै मनाङ एफसी, एभिनर एफसी र सशस्त्र प्रहरी बल (एपिएफ) एफसी सेमिफाइनलमा प्रवेश गरेका छन् । फाइनल प्रवेशका लागि शुक्रबार मनाङ र एपिएफ तथा शनिबार आर्मी र एभिनर भिड्नेछन् । भरतपुर फुटबल क्लबको आयोजनामा जारी गोल्डकप असोज ३ गतेसम्म चल्नेछ । गोल्डकप विजेताले सात लाख तथा उपविजेताले तीन लाख ५० हजार रुपैयाँ प्राप्त गर्नेछ।

तिब्बतमा ७ म्याग्निच्युडको भूकम्प, १६ जनाको मृत्यु

नेपाली बी–फार्मेसी विद्यार्थी सुप्रिया अधिकारीलाई मेटाबाट ३ हजार ७५० डलर पुरस्कार

तीन महिनामा २० हजारभन्दा बढीले गरे पाथीभराको दर्शन, ३३ लाख २६ हजार भेटी संकलन