नवलपुर । शिक्षा क्षेत्रमा राज्यले अझै विकास गर्न नसकेको उपराष्ट्रपति नन्दबहादुर पुनले बताउनुभएको छ । शुक्रवार नवलपुरको देवचुली माध्यमिक विद्यालयको स्वर्णमहोत्सव समापन समारोहमा बोल्दै उपराष्ट्रपति पुनले सो कुरा बताउनुभएको हो । कार्यक्रममा बोल्दै उहाँले सामुदायिक र निजि विद्यालयको विभेदका कारण पनि राज्यको शिक्षा सोचे जस्तो नभएको धारणा राख्नुभयो ।
उहाँले सामुदायिक विद्यालयको स्तर उन्नतीसंगै प्राविधिक शिक्षामा जोड दिन सके देशको शैक्षिक क्षेत्रको सुधार अवस्य हुने बताउनुभयो । हाल वर्तमान समयमा शैक्षिक अवस्था सन्तोषजनक नरहेको कारण अब सुधार गर्न आवस्यक रहेको बताउनुभयो । देशमा कुनै कुनै सामुदायिक विद्यालय नमुनाका रुपमा रहेको बताउदै उपराष्ट्रपति पुनले सबै सामुदायिक विद्यालयहरु खराब नरहेको बताउनुभयो ।
राज्यले शिक्षाको पहुचमा सबै नागरिक पुग्नु पर्छ भन्ने विचारलाई सामुदायिक विद्यालयहरुले पुरा गरिदिनुपर्ने उहाँले बताउनुभयो । नगरिकले सहज रुपमा शिक्षा लिन सकुन भन्ने उद्देश्यले राज्यले सामुदायिक विद्यालयहरुलाई संरक्षण गरेको बताउनुभयो । उपराष्ट्रपति पुनले विद्यालयमा निर्माण गरि स्वर्ण स्तम्भ अनावरण, स्वण स्मारिक विमोचन गर्नुभएको थियो । कार्यक्रममा विभिन्न राजनैतिक दलका प्रमुख एवं प्रतिनिधि, स्थानियतहका प्रमुख एवं प्रतिनिधि लगायतको कार्यक्रममा उपस्थीत रहेको थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.