भरतपुरमा चौथो अन्तर्राष्ट्रिय आमन्त्रण भेट्रान कप फुटबल प्रतियोगिता शुरु

हल्कारो समाचार

शनिबार, माघ २८, २०७९ मा प्रकाशित

चितवन । भरतपुरमा चौथो अन्तर्राष्ट्रिय आमन्त्रण भेट्रान कप फुटबल प्रतियोगिता शुरु भएको छ । भरतपुर महानगरपालिका मुख्य प्रबर्द्धक रहेको प्रतियोगितालाइ चितवन भेट्रान फुटबल क्लब भरतपुर ७ ले आयोजना गरेको हो । प्रतियोगिताको शनिबार भरतपुर महानगरपालिकाका नगर उप प्रमुख चित्रसेन अधिकारीले एक भब्य समारोहका बिच उद्वघाटन गर्नु भएको हो ।

प्रतियोगिताको उद्वघाटन गर्नु हुँदै उप प्रमुख अधिकारीले खेललाइ खेलको रुपमा मात्रै सिमित नगरी ब्यबहारमा उतार्नु पर्नेमा जोड दिनु भयो । उहाँले खेलकुदको क्षेत्रमा भरतपुर महानगरपालिका अग्रणी स्थानमा रहेको उल्लेख गर्दै खेलकुद कर्मिहरुले यसको बढी भन्दा बढी फाइदा लिन सबैमा अपिल समेत गर्नु भयो । भरतपुर महानगरपालिकाले बिकास सगसगै खेलकुद लाई पनि प्राथमिकतामा राखेर काम गरिरहेको उहाँले प्रष्ट पार्नु भयो ।

स्वस्थ्य जिबनयापनका लागि अन्य क्रियाकलापहरु जस्तै खेल पनि एक महत्त्वपूर्ण अग भएको उप प्रमुखको ठहर छ । आगामी फागुन ४ गतेसम्म चल्ने सो प्रतियोगितामा नेपाल र भारतका गरी १६ टोली सहभागी हुने आयोजकले जनाएको छ । प्रतियोगितामा भारतको कोलकातासहित नेपालबाट आयोजक चितवन भेट्रान निलो, चितवन भेट्रान रातो, अभिषेक चर्च भेट्रान रजहर, नागासोती भेट्रान क्लब हेटौँडा, सिमरा भेट्रान सिमराले सहभागिता जनाएको क्लबका अध्यक्ष रबिन्द्र कुमार श्रेष्ठले जानकारी दिनु भयो ।

त्यसै गरि डिफेन्डिङ च्याम्पियन फ्रिडम फाइटर ठमेल, भूपू सैनिक जबई स्पोर्टिङ, एक्स महेन्द्र पुलिस क्लब, बगरभाइ खलक भेट्रान, हेटौँडा भेट्रान, फ्रेण्ड्स भेट्रान, दरबार भेट्रान नुवाकोट र थापागाउँ सुधार समिति सहभागी हुने क्लबले जनाएको छ । सहभागी टोलीलाई दुई समूहमा विभाजन गरिएको छ । नकआउटका आधारमा हुने प्रतियोगितामा दुवै समूहका शीर्ष टोली फाइनलमा प्रवेश गर्ने छन् । प्रतियोगिताको विजेताले एक लाख ५१ हजार रुपैयाँ र उपविजेताले ७५ हजार पाँच सय रुपैयाँ प्राप्त गर्ने छन् ।

प्रतियोगिताको सर्वोकृष्ट खेलाडीले १० हजार तथा उत्कृष्ट गोलकिपर, उत्कृष्ट मिडफिल्डर, उत्कृष्ट डिफेन्डर, सर्वाधिक गोलकर्ता र उत्कृष्ट प्रशिक्षकले पाँच–पाँच हजार रुपैयाँ पुरस्कार प्राप्त गर्नेछन् । प्रतियोगितामा ४० वर्षमाथिका खेलाडी सहभागी हुने छन् । कार्यक्रममा भरतपुर महानगरपालिका वडा न १० का अध्यक्ष परमेश्वर खनाल, चितवन सेवा सामाज अन्तर्राष्ट्रिय समन्वय समितिका अध्यक्ष समीर के सि, नारायणगढ लेडि जेसिजका अध्यक्ष सुस्मिता श्रेष्ठ, नेपाल जेसिजका पुर्ब राष्ट्रिय अध्यक्ष अरुणेश्वर खनाल लगाएतले बोल्नु भएको थियोे ।