चितवन । चितवनको जिल्ला सहकारी संघले रास्यानिक मल बितरण प्रणालीलाई पारदर्शी बनाउन आग्रह गरेको छ । संघका अध्यक्ष हरी पौडेलद्धारा जारी विज्ञप्तीमा अहिलेको असहज परिस्थितीमा मल अभाव भएकोले राज्यले उपलव्ध गराएको सिमित मल बितरण प्रणालीलाई चुस्त र दुरुस्त बनाउन अनुरोध गरिएको छ । कोभिड १९ को अहसज परिस्थितिमा राज्यले उपलव्ध गराएको सिमित मल जिल्लास्तरमा एउटा समंयन्त्र निर्माण गरी वितरण गर्ने कार्य भइरहेको उल्लेख गर्दै विज्ञप्तीमा भनिएको छ( ‘वितरण प्रणालीलाई चुस्त दुरुस्त बनाउनका लागी सम्बन्धित पक्षको ध्यानाकार्षण गराउछौ र आवश्यक पर्दा जिल्ला सहकारी संघ सहजिकरण गर्नका लागी तत्पर छ ।’ असहज परिस्थितीमा उच्च मुल्यमा मल विक्रि वितरण गदै आएको कुरा जानकारीमा आएकोले यस्ता अनुचित कार्यहरु नगर्न अनुरोध गरिएको छ । कसैले अधिकारको दुरुपयोग गरि अनुचित ढंगले कारोवार गरेको पाइएमा जिल्ला प्रशासन कार्यालय, कृषि ज्ञानकेन्द्र,जिल्ला सहकारी संघ चितवनमा जानकारी गराउन उपभोक्ता एवं सर्वसाधारणलाई अपिल गरिएको छ ।

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्

बिचौलियाको मारमा किसान