चितवन । भरतपुर महानगरपालिकाको मेयर रेणु दाहालले मानव वेचविखनजस्तो सामाजिक हिसां अन्त्यका लागि सबैले आफ्नो ठाँउवाट पहल गर्नु आवश्यक भएको वताउनु भयो । महिला शसक्तिकरण तथा परिवर्तनशिल संस्थाले आज भरतपुरमा आयोजना गरेको मानव वेचविखन तथा ओसारपोसर विरुद्ध सचेतना कार्यक्रमलाई संवोधन गर्दै मेयर दाहाल मानव वेचविखन विरुद्धको अभियानमा विभिन्न संघसंस्थाले थालेको अभियानमा भरतपुर महानगरले हरतवरले सहयोग गर्ने प्रतिवद्वता व्यक्त गर्नुभयो ।

भरतपुर महानगरको सहयोगमा आयोजना भएको कार्यक्रममा महिला अधिकारीकर्मी तथा आर्दश गृहका अध्यक्ष मीना खरेलले मानव वेचविखन प्रभावितहरुका लागी सहानुभूति भन्दापनि समानुभुति आवश्यक भएको बताउनु भयो । पिडीतमैत्रि सामाजिक संरचना नभएका कारण प्रभावितहरुले आफ्नोे समस्या अगाडि ल्याउन नसकेको वताउनु भयो ।

कार्यक्रमलाई सहजिकरण गर्दै कीन ईन्डीयाका नेपाल निर्देशक ईन्द्रराज भट्टराईले मानव वेचविखनका विभिन्न आयामहरुका विषयमा प्रष्ट पार्नुभएको थियो । महिला वालवालिका तथा जेष्ठ नागरिक सेवा केन्द्रका प्रहरी नायव उपरिक्षक रिमा कोईरालाले चितवनमा मानव वेचविखनको अवस्थाको विषयमा जानकारी गराउनु भएको थियो ।

जिल्ला प्रहरी कार्यालय चितवनमा आर्थिक बर्ष २०७९र८० मा ७ वटा मानववेचविखनको घटना दर्ता भएको छ । यो घटना अघिल्लो वर्षको तुलनामा वढेको छ । आर्थिक बर्ष ७८र७९ मा ३ वटा र ०७७र७८ मा ४ वटा घटना जिल्ला प्रहरी कार्यालयमा दर्ता भएको छ । महिला शसक्तिकरण तथा परिवर्तनशिल संस्थाको सचिव तथा कार्यक्रम संयोजक पवित्रा रिजालको अध्यक्षतामा संचालन भएको कार्यक्रममा संस्थाका अध्यक्ष संगीता भट्टराईले मानववेचविखन विरुद्धको अभियानमा महानगरपालिकाले नितिगत रुपमा निर्णय गर्नु आवश्यक भएको वताउनुभयो।

विभिन्न संघसंस्थाका प्रतिनिधि महिला तथा प्रहरी र सरोकारवालाहरुको सहभागीता रहेको कार्यक्रममा प्रहरी शिक्षालय भरतपुरका प्रहरी प्रमुख प्रकाश रानाभाट, भरतपुर ७ का वडाअध्यक्ष राजेन्द्रमणी काफ्ले , माईति नेपालका चितवन संयोजक ईश्वर गिरी, मञ्जुश्री असहाय संरक्षण केन्द्रका अध्यक्ष मञ्जु खाण, युवा प्रतिनिधि प्रशिद्व पौडेल लगायतले मन्तव्य राख्नुभएको थियो ।

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्

बिचौलियाको मारमा किसान