☰

भर्खरै

लोकप्रिय समाचार

बिभिन्न घटनामा तीन जनाको मृत्यु

  •   शनिबार, असोज ०३, २०७७ मा प्रकाशित
    • अ
    • अ
    • अ

    चितवन । जिल्लाका बिभिन्न घटनमा आज तीन जनाको मृत्यु भएको छ । कोरोनाको सङ्क्रमण, सर्पको डसाई र दुर्घटनामा परि तीन जनाको मृत्यु भएको हो । चितवन मेडिकल कलेजमा उपचारका क्रममा एक महिलाको कोरोना सङ्क्रमणका कारण आज बिहान मृत्यु भएको हो । मृत्यु हुनेमा रौतहट चन्द्रपुर नगरपालिका वडा नम्बर ९ की ५१ बर्षीया महिला रहेकी छन् । कलेजका निर्देशक डा. दयाराम लम्सालका अनुसार स्वासप्रश्वासमा समस्या आई भदौ २८ गते भर्ना भएकी उनमा २९ गते कोरोना सङ्क्रमण पुष्टि भएको थियो । कोभिड सघन उपचार कक्षमा उपचारका क्रममा उनकोे आज बिहान ६ः१५ वजे मृत्यु भएको हो । यस्तै पिक्अप भ्यानको ठक्करले एक जनाको मृत्यु भएको छ । भरतपुर महानगरपालिका वडा नम्बर ६ गितानगरबाट सिताराम चोक तर्फ आईरहेको लु १ च ४४३५ नम्बरको पिक्अप भ्यानले प्रदेश २–०३–००६ प ७७६१ नम्बरको मोटरसाईकललाई ठक्कर दिंदा मोटरसाईकल चालकको मृत्यु भएको हो । मृत्यु हुनेमा भरतपुर महानगरपालिका वडा नम्बर २३ का ३७ वर्षीय ज्योती दराई रहेको प्रहरीले जनाएको छ । ठक्करबाट घाईने उनको उपचारका क्रममा आज बिहान भरतपुर अस्पतालमा मृत्यु भएको हो । दराईलाई ठक्कर दिने सवारी र चालक प्रहरीको नियन्त्रणमा रहेका छन् । यता सर्पले डसेर एक जनाको मृत्यु भएको छ भने दुई जना उपचारका क्रममा रहेका छन् । मृत्यु हुनेमा भरतपुर महानगरपालिका वडा नम्बर १९ का २ वर्षीय रायन रामदाम रहेका छन् । जिल्ला प्रहरी कार्यालय चितवनका अनुसार उनलाई घरमा सुतिरहेको अबस्थामा बिषालु सर्पले डसेको थियो ।सर्पको डसाई पछि उनको उपचारका क्रममा चितवन मेडिकल कलेजमा मृत्यु भएको हो । यस्तै सर्पको डसाईका कारण उनका हजुरआमा ५६ वर्षीया केशरी वि.क र आमा २३ वर्षीया रुवी सुनारको. अबस्था गम्भिर रहेको छ । उनीहरु मध्ये बिकको चितवन मेडिकल कलेज र सुनारको भरतपुर अस्पतालमा उपचार भईरहेको प्रहरीले जनाएको छ ।

    लोकप्रिय

    भर्खरै