त्यसअघि थापाले अर्का दुई अध्यक्षप्रति लक्षित गरी केही व्यक्तिको हठ र तूष्टीकरणका लागि चिनो त्याग्नु परेको पनि उल्लेख गरेका थिए । थापाले आफ्नो ट्वीटमा लेखेका छन्, ‘रगत पसिनाको धरातलमा गाँसिएको भावना र कायम गरिएको ‘चिनो’ तर्क र आधार विना केही व्यक्तिहरूको हठ तुष्टिकरण र प्रतिष्ठा राखिदिन परित्याग गर्नुपर्ने विवशताको पिडा स्वभावतः असहज हुन्छ ।’

यसअघि सोमबार अध्यक्षत्रयले छ महिना पहिले एकता भएको राप्रपाको चुनाव चिन्ह् हलो राख्न सैद्धान्तिक सहमति गरेका थिए ।

त्यसअघि राप्रपा र राप्रपा संयुक्तको कार्यसम्पादन समितिको छुट्टाछुट्टै बैठक बसेको थियो । मंगलबार कार्यसम्पादन समितिको संयुक्त बैठक बस्नेछ । र दल दर्ताको निर्णय गर्नेछ । गाई साविक थापा नेतृत्वको राप्रपा तथा हलो साविक राप्रपा संयुक्तले प्रयोग गर्दै आएको चुनाव चिह्न हो । राप्रपाले पूर्ण धार्मिक स्वतन्त्रतासहितको सनातन धर्म सापेक्ष हिन्दू राष्ट्र र साझा संस्थाको रुपमा राजसंस्था रहने व्यवस्था गर्ने जनाएको छ ।