गण्डकी । राष्ट्रिय समाचार समितिका गण्डकी प्रदेश प्रमुख वासुदेव पौडेल सम्मानित बन्नुभएको छ । इम्ब्रोइडरी एन्ड गार्मेन्ट एसोसिएसन (एगा) पोखराको २०औँ वार्षिक साधारणसभाका अवसरमा पत्रकारिताका माध्यमबाट पर्यटन क्षेत्रको विकासमा योगदान पु¥याएको भन्दै उहाँलाई सम्मान गरिएको हो । उहाँलाई पोखरा पर्यटन परिषद्का अध्यक्ष पोमनारायण श्रेष्ठ र एगा पोखराका अध्यक्ष इन्द्रप्रसाद भण्डारीले संयुक्त रुपमा सम्मान गर्नुभएको हो ।
उक्त अवसरमा संस्थाले आयोजना गरेका विभिन्न कार्यक्रममा संयोजन गर्ने व्यक्तिहरूलाई पनि सम्मान गरिएको थियो । कार्यक्रममा पोखरा पर्यटन परिषद्का अध्यक्ष पोमनारायण श्रेष्ठले इम्ब्रोइडरी एन्ड गार्मेन्ट्स एसोसिएसन (एगा)ले पर्यटकलाई उपहार लैजानका लागि नेपालको चिनारी झल्काउने किसिमका समानहरू तयार गरी ठूलो योगदान गरेको बताउनुभयो । कोरोना महामारीसँगै आर्थिक मन्दी लगायतका कारण प्रभावित बनेको पर्यटनको पुनरुत्थानमा राज्यको सहयोग आवश्यक भएको बताउँदै उहाँले पर्यटन व्यवसायीका समस्याहरू सुनुवाइ हुन नसकेको बताउनुभयो ।
बन्दै गरेको पञ्चवर्षीय योजनामा पर्यटन क्षेत्रका विषयहरू समेटिनुपर्ने उहाँको भनाइ छ । भारतीय नोट नचल्दा भारतीय पर्यटक समस्यामा परेको बताउँदै उहाँले यसले भारतीय पर्यटकको आगमनलाई प्रभावित बनाएको बताउनुभयो । एगा पोखराका अध्यक्ष इन्द्रप्रसाद भण्डारीले पर्यटकलाई उपहारका सामग्री तयार गरी पठाउँदा यसले नेपाललाई विश्वमाझ चिनाउन महत्वपूर्ण योगदान पु¥याएको बताउनुभयो । नेपाल पर्यटन बोर्ड गण्डकी प्रदेशका निमित्त प्रमुख नवीन पोखरेलले पर्यटन क्षेत्रको विकासका लागि हामीसँग यकिन तथ्याङ्क हुनु जरुरी रहेको बताउनुभयो ।
कार्यक्रममा होटेल सङ्घ पोखराका अध्यक्ष लक्ष्मण सुवेदी, एगा पोखराका पूर्वअध्यक्ष एवं पोखरा पर्यटन परिषद्का पूर्वअध्यक्ष चिरञ्जीवी पोखरेल, नेपाल पत्रकार महासङ्घ कास्कीका उपाध्यक्ष जमुना वर्षा शर्मा, एगा पोखराका उपाध्यक्ष गोकर्ण लम्साल, सचिव गीता ढकाल पौडेल, रासस गण्डकी प्रदेश प्रमुख वासुदेव पौडेल लगायतले बोल्नुभएको थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.