चितवन । सहकारी ऐन, नियम तथा विनियम विपरीत सञ्चालन भएको पाइएपछि महानगर द्वारा सहकारीहरुको अनुगमन प्रभावकारी नियमन नहुँदा सहकारीमा अनियमितता बढ्न थालेको भन्दै भरतपुर महानगरपालिकाले सहकारीहरूको अनुगमनलाई तिब्र बनाएको छ। महानगरका अधिकांश सहकारी संस्थाहरू सहकारी ऐन, नियम तथा विनियम विपरीत सञ्चालन भएको पाइएपछि अनुगमन थालिएको भरतपुर महानगरपालिकाले जनाएको छ ।

पश्चिम भरतपुरको वडा २८ र २७ बाट शुरु गरिएको अनुगमन बिहिवार पनि जारी रहयो । महानगरपालिकाले बिहिवार पनि वडा न २७ का विभिन्न सहकारीहरुमा स्थलगत अनुगमन गरेको छ । पर्साढाप बचत तथा ऋण सहकारी सस्था,महेन्द्रेश्वर बहुमुखी सहकारी सस्था, शिवालय महिला बचत तथा ऋण सहकारी सस्था र जनकल्याण बचत तथा ऋण सहकारी सस्थामा अनुगमन गरिएको हो । ‘नियमन प्रभावकारी नहुँदा महानगरका अधिकाश सहकारीमा समस्या देखिन थालेको छ,’महानगरका सामान्य प्रशासन महाशाखा प्रमुख उपेन्द्र पौड्यालले भने,यो अवस्था दिन प्रति दिन बढ्दै गयो भने यसले बिकराल अवस्था ल्याउने छ ।

अधिकांश सहकारीहरु आफ्नो विनियममा नभएका पदहरू सृजना गरी चुनाव गराउँदै आएको, विनियममा नभए पनि ऋण लगानी गर्दा सेवाशुल्क, प्रवेश शुल्क लिने गरेको, बचतको ब्याज नदिएको तर ऋणबाट चर्को ब्याज लिने गरेको, एउटा सहकारी संस्थामा सञ्चालक रहेकाहरू अर्काे सहकारीमा पनि सञ्चालक समितिमा रहेको लगायतका गुनासोहरु आएपछि अनुगमनलाइ तीव्र पारिएको सहकारी तथा रोजगार पबर्द्वन शाखाका शाखा प्रमुख रोजी केसिले जानकारी दिनुभयो ।

अनुगमनमा सहकारीको सुशासन,लेखापरीक्षण,जगेडा कोष,ऋण लगानीको अवस्था लगाएत अन्य पक्षहरुको पनि मूल्याङ्कन गरिने छ केसीले भन्नुभयो । अनुगमनपछि अनुगमनको प्रतिवेदन तयार पारी सम्बन्धित सहकारीलाई सुधारका लागि आग्रह गरिने महानगरले जनाएको छ । केही सहकारीले नमुना काम गर्दै गए पनि धेरै सहकारी संस्थाहरुले सुधार गर्दै लैजानुपर्ने निष्कर्ष अनुगमन टोलिले निकालेको छ । हाल भरतपुर महानगरपालिकामा ३ सय ६३ वटा सहकारी सस्थाहरु सन्चालनमा रहेका छन् ।

अनुगमनमा लेखापाल फडिन्द्र खनाल, शाखाका समन्वयकर्ता सुकदेब ढकाल,उप प्रमुख सचिवालय सदस्य आशिष अधिकारी लगाएत अन्य कर्मचारीहरुको उपस्थिति रहेको थियोे । यस अघि बुधबार मात्रै महानगरले भरतपुर २८ मा रहेको दोभान बचत तथा ऋण सहकारी सस्था,मेघौली मध्यबर्ती बचत तथा ऋण सहकारी सस्था,भरतपुर २७ मा रहेको साना किसान कृषि सहकारी सस्था लगाएत अन्य सहकारी सस्थाहरुको अनुगमन गरेको थियोे ।

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने

चितवनमा रहेको धान ‘जोन’मा उत्पादन बढ्यो