भरतपुर । चितवनको भरतपुरमा रहेको ग्रीनल्याण्ड पब्लिक स्कुलले बहुबुद्धिमता शिक्षण सिकाइ पद्धती अनुसार विद्यार्थीलाई अध्ययन गराउन सुरु गरेको छ । विद्यार्थीमा विभिन्न ११ प्रकारको बुद्धिमता हुने भन्दै उनीहरुको बुद्धिमता बुझेर सोहीअनुसार शिक्षण सिकाइ पद्धतीको सुरुआत गरिएको विद्यालयले आजा आयोजना गरेको पत्रकार सम्मेलनमा जानकारी दिइएको छ ।
पत्रकार सम्मेलनमा विद्यालयकी प्राचार्य इन्दिरा कार्कीले कक्षा १ देखि कक्षा ७ सम्मका विद्यार्थीहरुलाई परियोजनाको आधारमा सिकाउने पद्धती (पिबीएल) अनुसार पठनपाठन गराइएको बताउनुभयो । विद्यार्थीले परियोजनाको आधारमा सिकाइ कार्यक्रमअनुसार विभिन्न ८४ प्रकारका परियोजनाहरु निर्माण गरेका उहाँले बताउनुभयो ।
यस परियोजनाबाट विद्यार्थीमा सिकाइ गराउँदा उनीहरुमा जीवनोपयोगी र व्यवहारकुसल ज्ञानको वृद्धि भएको कार्कीले बताउनुभयो । विद्यार्थीहरुले खाना पकाउने, टपरी गाँस्ने, विस्तारा मिलाउने, आफ्नो जुत्ता सफा गर्ने, कपाल कोर्ने, सरसफाइसहित विभिन्न प्रकारका व्यवहारकुसल ज्ञान हासिल गरेका उहाँले बताउनुभयो ।
गत जेठबाट विद्यालयमा सुरु भएको बहुबुद्धिमता परियोजना सिकाइ पद्धतीअनुसार सिकेको ज्ञान प्रदर्शन गर्ने उद्देश्यले मंसिर २६ गते विद्यालयमा पहिलो ग्रीनल्याण्ड पिबिएल मेला २०८० को आयोजना गरिएको कार्कीले बताउनुभयो । विद्यार्थीहरुलाई सैद्धान्तिक ज्ञानभन्दा पनि व्यवहारिक ज्ञानका विषयमा दिइएको ज्ञानको विद्यार्थीले प्रदर्शन गर्ने उहाँको भनाइ छ ।
यसैबीच, विद्यालयले शैक्षिक सत्र २०७६ बाट मङ्गलबारलाई किताबमुक्त दिनको रुपमा राखेको भन्दै कोभिडका कारण स्थगित गरिएको सो कार्यक्रम पुनः सुरु गरिएको बताउनुभयो । मङ्गलबार विद्यालयमा विद्यार्थीहरु किताब बिना उपस्थित हुने र विभिन्न व्यवहार कुसल ज्ञान सिक्ने कार्कीको भनाइ छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.