☰

भर्खरै

लोकप्रिय समाचार

सहकारी बिना देशको आर्थिक बिकास सम्भब छैन : कार्यबाहक नगर प्रमुख अधिकारी

  •   मङ्गलबार, मङि्सर २६, २०८० मा प्रकाशित
    • अ
    • अ
    • अ

    चितवन। भरतपुर महानगरका कार्यबाहक नगर प्रमुख चित्रसेन अधिकारीले सहकारी बिना देशको आर्थिक बिकास सम्भब नभएको बताउनु भएको छ । सहकारीहरु स्थापना भएका बिश्वका मुलुकहरूमा आर्थिक क्रान्ति भएको उल्लेख गर्दै कार्यबाहक नगर प्रमुख अधिकारीले अर्थतन्त्रको वास्तविक मेरुदण्ड सहकारी क्षेत्र नै भएको टिप्पणी गर्नुभयो ।

    हस बहुउद्देश्यीय सहकारी सस्थाको २० औ साधारणसभा
    तथा १४ औ बार्षिकोत्सव तथा सम्मान कार्यक्रमलाई आज मगलबार नारायणगढमा सम्बोधन गर्नुहुदै कार्यबाहक नगर प्रमुख अधिकारीले राजनीतिमा जस्तै सहकारी क्षेत्रमा पनि खिचातानी हुँदा सहकारीहरु प्रतिको महत्त्व दिन प्रति दिन खस्कदै गएको तर्क राख्नुभयो ।

    छिमेकी राष्ट्र भारत सहकारी कै कारण समृद्व हुँदै गएको उल्लेख गर्नुहुदै कार्यबाहक नगर प्रमुख अधिकारीले सहकारी बिकासोन्मुख देशको मात्र नभई विकसित देशको पनि अर्थ खम्बा भएको प्रष्ट पार्नुभयो ।

    कार्यक्रममा सस्थाका अध्यक्ष दिनेश कुमार चुकेले अध्यक्षको प्रतिवेदन,सचिब शारदा शर्मा पौडेलले सचिबको प्रतिवेदन र कोषाध्यक्ष प्रमोदकुमार श्रेष्ठले कोषाध्यक्षको प्रतिवेदन प्रस्तुत गर्नुभएको थियोे । त्यस्तै गोबिन्दप्रसाद पौडेलले लेखा तथा सुपरिवेक्षण समितिको प्रतिवेदन,बाबुराम अधिकारीले ऋण उप समितिको प्रतिवेदन,देशबन्धु अधिकारीले शिक्षा उप समितिको प्रतिवेदन र प्रा डा होमनाथ सापकोटाले पदपूर्ति उप समितिको प्रतिवेदन प्रस्तुत गर्नुभएको थियोे ।

    कार्यक्रममा भरतपुर १ का वडा अध्यक्ष केशव मर्हर्जन,चितवन उधोघ सघका अध्यक्ष सुर्य न्यौपाने,जिल्ला सहकारी सघ चितवनका उपाध्यक्ष प्रेम नाथ दुवाडी,भरतपुर महानगरको सहकारी शाखा प्रमुख रोजि के सि लगाएतले शुभकामना मन्तव्य राख्नु भएको थियोे ।

    कार्यक्रममा जेष्ठ शेयर सदस्य सुनिता देवि गौतमलाई जेष्ठ शेयर सदस्य सम्मान र अबिरल अधिकारीलाई खुत्रुके बचत सम्मानबाट सम्मानित गरिएको छ । त्यसै गरि उत्कृष्ट मासिक बचत,उत्कृष्ट मुद्दती बचतकर्ता,उत्कृष्ट दैनिक बचतकर्ता,उत्कृष्ट नारी बचतकर्ता र उत्कृष्ट बचतकर्ताबाट केही शेयर सदस्यहरुलाइ सम्मान समेत गरिएको छ ।

    नेपालमा हाल ३१ हजार सहकारी सस्थाहरु सन्चालनमा रहेका छन् भने सरकारले १५ वटा सहकारी सस्थाहरुलाइ समस्याग्रस्त सहकारीको सुचीमा राखेको छ । चितवनमा २०१३ साल चैत २० गते बखान सहकारी सस्थाको स्थापना भए देखि नेपालमा सहकारीहरुको स्थापना हुन थालेको हो ।

    लोकप्रिय

    भर्खरै