सल्यान । ज्वाईंलाई छोरा भन्दै नागरिकता बनाएको आरोपमा सल्यान प्रहरीले मंगलबार दुई जनालाई पक्राउ गरेको छ।
जिल्लाको छत्रेश्वरी गाउँपालिका-७ का ४६ वर्षीय मुस्ताज मिया र दाङ बबई गाउँपालिका-४ घर भई हाल सल्यान छत्रेश्वरी गाउँपालिकामा ७ बस्दै आएका २३ वर्षीय समीर मिया भन्ने ईमाम बक्स मियालाई प्रहरीले पक्राउ गरेको हो।
ज्वाईं ईमाम बक्स मियालाई छोरा बनाएर ससुराले २०७५ साल भदौ २४ गते जिल्ला प्रशासन कार्यालय सल्यानबाट नागरिकता दिलाएका थिए। छत्रेश्वरी गाउँपालिका-७ को सिफारिसमा प्रशासन कार्यालयले नागरिकता दिएको थियो।
ज्वाईंलाई छोरा बनाएर समीर मियाँको नामबाट नागरिकता लिएको पाइएको जिल्ला प्रहरी कार्यालय सल्यानले जनाएको छ। दुवैजनालाई नेपाल नागरिकता ऐन २०६४ (संशोधन सहित) बमोजिम जिल्ला अदालत सल्यानबाट १५ दिनको म्याद थप गरी अनुसन्धान गरी रहेको जिल्ला प्रहरी कार्यालय सल्यानका प्रवक्ता लक्ष्मण ओलीले बताए।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.