चितवन। चितवन अटोमोबाइल्स डिलर्स एसोसिएसनको आयोजनामा आगामी दुईवर्षे कार्यकालमा गरिने कार्यक्रमहरुलाई लिपिबद्ध गरी कार्यान्वयनमा ल्याउने उद्देश्यले कार्ययोजना तर्जुमा गोष्ठी सम्पन्न गरेको छ । अटोमोबाइल्स डिलर्स एसोसिएसनका अध्यक्ष राजन पियाले कार्ययोजनाले अबको दुई वर्षमा एसोसिएसनलाई कहाँ पुर्याउने र के के कार्य गर्ने भनेर कार्यक्रमहरु तय गर्ने उद्देश्यले कार्ययोजना गोष्ठी आयोजना गरेको बताए ।
उनले सवारीसाधनको प्रयोग मानवीय दैनिक जीवनमा अतिअवश्यकताको वस्तुको रुपमा विकास हुँदै गएको र दुर्घटना पनि बढ्दै गएकोले सवारी दुर्घटनासम्बन्धी सचेतना कार्यक्रमहरु व्यवसायीले गर्नुपर्ने बताए । अटोमोबाइल्स डिलर्स एसोसिएसनका संस्थापक अध्यक्ष ईश्वरकुमार श्रेष्ठले कार्ययोजना तर्जुमा गोष्ठीको बारेमा जानकारी गराउँदै संस्थाले छोटो अवधिमा सम्पन्न गर्ने कार्य र लामो अवधि लगाएर गरिने कार्य भनी सट ट्रम र लङ ट्रम योजना बनाएर संस्थालाई अगाडि बढाउनुपर्ने बताए ।
गोष्ठीमा उद्योग वाणिज्य संघ–चितवनका कार्यकारी निर्देशक निलबहादुर के.सी.ले सहजकर्ताको भूमिका निर्वाह गरेका थिए । उनले कार्ययोजना तर्जुमा गनुपर्ने कारण र कार्ययोजना गर्ने तरिका, कार्ययोजना गराएर काम गर्दा संघको विधानमा उल्लेखित उद्देश्य पूर्ति गर्न सकिने बताए । गोष्ठीमा उद्योग वाणिज्य संघ–चितवका कार्यक्रम अधिकृत गणेश सुवेदीले सहजीकरणमा सहयोग गरेका थिए ।
चितवन अटोमोबाइल्स डिलर्स एसोसिएसनका पदाधिकारी कार्यसमिति र संघ सदस्यहरुको उपस्थिति रहेको कार्यक्रम चितवन अटोमोबाइल्स डिलर्स एसोसिएसनको आयोजना एवं उद्योग वाणिज्य संघ चितवनको सहयोगमा सम्पन्न भएको हो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.