काठमाण्डौं । सरकारले सार्वजनिक गाडीका सबै सिटमा यात्रु बोक्न दिने निर्णय गरेको छ। सरकारका प्रवक्ता प्रदीप ज्ञवालीका अनुसार आजदेखि सार्वजनिक गाडीले सबै सिटमा यात्रु बोक्न पाउने भएका हुन। उहाँका अनुसार पूरै सिटमा यात्रु चढाउन दिने निर्णयसँगै अब सार्वजनिक गाडीले भाडा पनि पुरानै दरमा लिनुपर्नेछ। यस्तै कोरोना सङ्क्रमण फैलन नदिन स्वास्थ्य मापदण्ड भने अनिवार्य पालना गर्नुपर्ने पनि उहाँले बताउनुभयो।
यसअघि सार्वजनिक गाडीमा आधा सिट क्षमतामा मात्र यात्रु राखेर ५० प्रतिशतसम्म बढी भाडा लिन मिल्ने निर्णय गरेको भए पनि थोरैले मात्र कार्यान्वयन गरेका थिए।