चितवन । राष्ट्रिय युवा संघ नेपालको ३५ औं स्थापना दिवसका अवसरमा जिल्ला कमिटी चितवनले खाद्यान्न वितरण तथा मदन आश्रित पार्क दासढुंगामा सरसफाइ गरेको छ । संघले भरतपुर महानगरपालिका वडा नम्बर ११ मा रहेको मञ्जुश्री आश्रय संरक्षण केन्द्रमा खाद्यान्न हस्तान्तरण गरेको हो ।

हस्तान्तरण कार्यक्रममा राष्ट्रिय युवा संघ नेपाल चितवनका अध्यक्ष झलकराज भट्टले आश्रयकी उपाध्यक्ष धनु थापा मगरलाई खाद्यान्न सामग्री हस्तान्तरण गरे । सामग्री प्राप्त गरेपछि आश्रयकी उपाध्यक्ष धनु थापा मगरले राष्ट्रिय युवा संघ नेपाल चितवनलाई धन्यवाद दिँदै युवासंघको प्रसंशा गरिन् ।

हस्तान्तरण कार्यक्रममा नकपा एमाले चितवनका उपाध्यक्ष कमल पाठक, नेकपा एमाले बागमती प्रदेश कमिटी सदस्य तथा संघका केन्द्रीय सदस्य अस्मिन घिमिरे, नेकपा एमाले चितवनका उपसचिव एवम् प्रचार विभाग प्रमुख प्रकाश ढुंगाना, राष्ट्रिय युवा संघ केन्द्रीय सदस्य एवम् जिल्ला इन्चार्ज शंकर अधिकारी, युवा संघ पालिका कामिटीका पदाधिकारी एवम् सदस्यहरु लगायतको उपस्थिति रहेको थियो ।

यसैगरी सोही दिन संघले मदन आश्रित स्मृति पार्कमा सरसफाइ गरेको छ । ३१ औं मदन आश्रित स्मृति दिवसका दिन यही जेठ ३ गते नेकपा एमाले चितवनले दासढुंगाको मदन आश्रित स्मृति पार्कमा स्मृति सभा गर्दैछ । सो कार्यक्रमको पूर्व सन्ध्यामा युवा संघले आफ्नो ३५ औं स्थापना दिवसको अवसरमा सरसफाइ गरेको हो ।

चितवनमा सडक सुरक्षा सुधार अभियान तीव्र, ७२ घण्टाभित्र काम सक्न निर्देशन

दुर्लभ एक सिङ्गे गैँडा संरक्षणमा योगदान गर्दै ‘चितवन राइनोज’

चितवनमा तीन महिनामा तीन हजारभन्दा बढीले लिए वंशजका आधारमा नागरिकता