भरतपुर । चितवनको भरतपुर–७ कृष्णपुरस्थित अङ्कुरम एकेडेमीको आयोजनामा सम्पन्न अन्तरविद्यालय शिक्षक पौडी प्रतियोगितामा अङ्कुरम् एकेडेमीका जीवन वाग्ले र ओम शान्ति एकेडेमीकी नानु गुरुङले प्रथम स्थान हासिल गरेका छन् । शनिबार अङ्कुरम् एकेडेमीको ‘स्विमिङ पुल’मा ‘सिङ्गल ल्याप’मा सञ्चालित उक्त प्रतियोगितामा अङ्कुरम्का जीवन वाग्लेले १५ सेकेन्ड ११ मिलिसेकेन्डमा २५ मिटरको दुरी पार गर्दै पुरुषतर्फको प्रथम स्थान हासिल गरेका हुन् ।

त्यसैगरी महिलातर्फको प्रतियोगितामा ओम शान्तिकी नानु गुरुङ ३४ सेकेन्ड ५७ मिली सेकेन्डमा उक्त दुरी पार गर्दै प्रथम भइन् । पुरुषतर्फ बालकुमारी इङ्गलिस बोर्डिङ स्कुलका सनी श्रेष्ठले १७ सेकेन्ड १३ मिलिसेकेन्डमा उक्त दुरी पार गर्दै द्वितीय स्थान हासिल गरे भने स्टेप बाइ स्टेपका सोमबहादुर गुरुङले १८ सेकेन्ड ३ मिलिसेकेन्डमा सो दुरी पार गरेर तृतीय स्थान हासिल गरे

त्यसैगरी महिलातर्फ इडेन गार्डेनकी ऋतिका राई र बालकुमारीकी इशा खड्गीले क्रमशः ३६ सेकेन्ड ७५ मिलिसेकेन्ड र ५६ सकेन्ड मा सो दुरी पार गरेर द्वितीय र तृतीय स्थान हासिल गरेका थिए । प्रतियोगितामा १६ पुरुष र ४ महिला गरी २० जना प्रतियोगीले भाग लिएका थिए । बिजेताहरुलाई नगद पुरस्कार, मेडल र प्रमाणपत्र प्रदान गरिएको थियो ।

भरतपुरमै विश्वस्तरीय शिक्षा प्रदान गर्दै अतिरिक्त क्रियाकलापलाई समेत प्राथमिकतामा राख्दै आएको अङ्कुुरम् एकेडेमीको उक्त ‘स्विमिङ पुल’ ‘ओलम्पिक स्ट्याण्डर्ड स्विमिङ पुल’ रहेको तह प्रमुख तथा कार्यक्रम संयोजक अर्जुन जी शर्माले जानकारी दिए । कार्यक्रममा विद्यालयका निर्देशकद्वय नईम चौधरी र सरला पौडेलले विजेता खेलाडीलाई पुरस्कार तथा प्रमाणपत्र वितरण गरेका थिए ।

कार्यक्रममा कार्यक्रम संयोजक शर्माले नियमहरूको बारेमा जानकारी गराएका थिए भने निर्देशक चौधरीले शुभकामना मन्तव्य व्यक्त गरेका थिए ।

चितवनमा सडक सुरक्षा सुधार अभियान तीव्र, ७२ घण्टाभित्र काम सक्न निर्देशन

दुर्लभ एक सिङ्गे गैँडा संरक्षणमा योगदान गर्दै ‘चितवन राइनोज’

चितवनमा तीन महिनामा तीन हजारभन्दा बढीले लिए वंशजका आधारमा नागरिकता