भरतपुर  । भरतपुर अस्पतालमा पछिल्लो समय बिरामीको चाप बढ्दै जादा ओपिडी काउन्टर थप गरिएको छ । अस्पतालले ५ वटाबाट बढाएर ८ वटा ओपिडी काउन्टर बनाएको हो। अस्पतालका मेसु प्रा.डा कृष्णप्रसाद पौडेलले बिरामीको भिड भयो भन्ने गुनासोलाई मध्यनजर गर्दै ३ वटा काउन्टर थप गरिएको जानकारी दिनुभयो ।

‘बिहान ५ बजेनै टिकटलाई बिरामीहरू आएको देखिन्छ जुन आवश्यक छैन।’ उहाँले भन्नुभयो, ‘भरतपुर अस्पतालमा ओपिडीको टिकट काट्न अबदेखि १०–१५ मिनेट मात्र समय लाग्नेछ ।’ ओपिडीको अनलाइन ‘टिकेटिङ’को सुविधा भएपनि हाललाई बिमातर्फ केही समय स्थगित गरिएको उहाँले उल्लेख गर्नुभयो ।

जिओपिडी बिहान ८ बजेदेखि बेलुकि ५ बजेसम्म दुई सिफ्टमा सञ्चालित छन । डेन्टल ओपिडी ९ः३० देखि बेलुकी ५ सम्म र अन्य ९ः३० देखि ३ बजेसम्म सञ्चालित छन् । एक बजेपछि विशेषज्ञ चिकित्सकहरूलाई रू पाँच सयको टिकट काटि ‘पेईङ’मा देखाउन सकिने समेत उहाँले बताउनुभयो । ‘बिमाको औषधि थप्न बिहान ७ बजे नै खुल्ने गरि रिफिल काउण्टरको व्यवस्था छ । टिकट काउण्टरहरू अपाङ्गता भएका;७० काटेका जेष्ठ नागरिक; महिला÷गर्भवती; जिओपिडी; मेडिकल ओपिडी; अर्थोपेडिक; सर्जरीलाई छुट्टाछुट्टै ओपिडी काउण्टर रहनेछन्।’

मेसु पौडेलले भन्नुभयो । अस्पतालमा बिल काउण्टर ८ वटासञ्चालित छन् । चितवन र यस वरपरका १२ जिल्लाका बिरामीहरुको भरोसाको केन्द्र रहेको भरतपुर अस्पतालमा दैनिक दुई देखि तीन हजार बिरामीले ओपिडी सेवा लिने गरेका छन् ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै