चितवन । रत्ननगर नगरपालिका–७ घण्टाघरमा गएराति मोटरसाइकल र अटो आपसमा ठोक्किदा दुई जना घाइते भएका छन् । घाइतेमध्ये एक जनाको अवस्था गम्भिर रहेको प्रहरीले बताएको छ ।

बुधवार राति ११ः४० बजेको समयमा सौराहाबाट चित्रसारीपुलतर्फ आउँदै गरेको ना ५५ प ९६०२ नम्बरको मोटरसाइकल र चित्रसारीपुलबाट चराचोक जाँदै गरेको बगमती प्रदेश ०३–००१ प १५७१ नम्बरको अटो एक आपसमा ठोक्किएका थिए । दुई सवारी आपसमा ठोक्किदा मोटरसाइकल चालक रत्ननगर–८ बस्ने वर्ष २२ को बिशाल ठकुरी सामान्य घाइते भएका छन् ।

उनको दाहिने हातमा चोट लागेको छ । अटोमा सवार कालिका नगरपालिका–७ बस्ने ३८ वर्षीय लक्ष्मी कुमाल गम्भिर घाइते भएको जिल्ला प्रहरी कार्यालय चितवनले जानकारी दिएको छ । उनको दाहिने हात र निधारमा चोट लागेको छ । गम्भिर घाइते कुमाललाई उपचारका लागि बकुलहर टाँडी अस्पताल पठाइएको प्रहरीले जनाएको छ ।

चितवनमा सडक सुरक्षा सुधार अभियान तीव्र, ७२ घण्टाभित्र काम सक्न निर्देशन

दुर्लभ एक सिङ्गे गैँडा संरक्षणमा योगदान गर्दै ‘चितवन राइनोज’

चितवनमा तीन महिनामा तीन हजारभन्दा बढीले लिए वंशजका आधारमा नागरिकता