चितवन । नारायणगढ–मुग्लिन सडकको सिमलतालमा लेदोसहितको पहिरोसहित त्रिशूली नदीमा खसेका दुई बस बेपत्ता भएको आज १६औँ दिन पुगेको छ । हालसम्म २४ जना यात्रुको शव फेला परेको छ भने कम्तिमा ३८ जना बेपत्ता छन् ।
२४ जनाको शव फेला परेकोमा १९ जनाको मात्रै सनाखत भएको छ । भारतको नेशनल डिजास्टर रेस्क्यु फोर्स (एनडिआरएफ), नेपालको सशस्त्र प्रहरी र नेपाली सेनाको टोलीले संयुक्त रुपमा बेपत्ता बसको खोजी गरेपनि अहिलेसम्म फेला पार्न सकेको छैनन् । बेपत्ता बसको खोजी गर्न एनडिआरएफको टोली आएको पनि एक हप्ता भइसकेको छ ।
बस खोज्नका लागि भारतीय टोलीले ४० किलोको चुम्बक मगाएको छ । उक्त म्याग्नेटिक डिभाइसको प्रयोग गरी आज बिहान साढे ९ बजेदेखि बेपत्ता बसको खोजी गर्ने तयारी रहेको चितवनका प्रमुख जिल्ला अधिकारी इन्द्रदेव यादवले जानकारी दिए । गत असार २८ गते काठमाडौँबाट गौर जाँदै गरेको बस र वीरगञ्जबाट काठमाडौँ जाँदै गरेको बसलाई पहिरोले सोहोरेर त्रिशूलीमा खसेको थियो । तीन जनाले पौडिएर ज्यान जोगाए भने ६२ जना नदीमा डुबे ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.