चितवन । जिल्ला ट्राफिक प्रहरी कार्यालय चितवनद्धारा एकबर्षमा ३ करोड बढी राजश्व संकलन भएको छ । कार्यालयका अनुसार गत आर्थिक बर्ष २०८०, ०८१ को साउन महिनादेखि असार सम्म ३ करोड ७ लाख ६७हजार पांँचसय रुपैंया संकलन भएको हो । सो अवधिमा ४१९९८ वटा सवारी साधन कारवाहीमा परेका थिए । कार्यालयले अघिल्लो आर्थिक बर्षमा ३ करोड ४५ लाख ३८ हजार पांँच सय रुपैंया राजश्व संकलन गरेको थियो । उक्त आवमा ४० हजार ६६४ वटा सवारी साधन कारवाहीमा परेको कार्यालयले जनाएको छ ।

कार्यालय प्रमुख सुरेश सुबेदीले गत आर्थिक बर्षदेखि ‘टिभिआरएस’ सिष्टम ( ट्राफिक भ्वायलेन्स रेकर्ड सिष्टम ) लागु भएकोले राजश्व संकलन कमी देखिएको बताए । टिभिआरएस सिष्टमले पहिलो पटक गल्ती गरेको चालकको हकमा न्यूनतम जरिवाना गर्न मात्र पाईन्छ । यो सिष्टममा ट्राफिक प्रहरीले चालकको विवरण इन्ट्री गरेपछि र चालकले आफै अनलाइन पेमेण्टबाट जरिवाना तिर्न सक्छ । ट्राफिक भ्वाइलेन्स रेकर्ड सिष्टममा अधिकतम जरिवाना गर्न नपाइने भएकोले राजश्व संकलनमा केही ह्रास आएको प्रमुख सुबेदीको भनाई छ ।

सरकारले जरिवाना प्रणालीमा एकरुपता ल्याउन देशका सबै जिल्लामा यो प्रणाली लागु गर्दै आईरहेको उनले जानकारी दिए । सबैभन्दा बढी रकम संकलन पुषमा कार्यालयले गत आब सबैभन्दा बढी पुष संकलनमा कम गरेको छ भने सबैभन्दा कम कात्तिक महिनामा भएको छ । जसअनुसार पुष महिनामा २८ लाख ९८ हजार पांचसय रुपैंयार कात्तिक महिनामा २० लाख २५ हजार पांँचसय संकलन भएको छ । कार्यालयले गत आबको साउन महिनामा २४ लाख ३१ हजार पांँचसय, भदौमा २३ लाख ७० हजार रुपैंया, असोजमा २८ लाख ७७ हजार, मंसिरमा २६ लाख ६६ हजार पांँचसय र माघ महिनामा २८ लाख ६२ हजार पांँचसय रुपैंया संकलन गरेको छ ।

यस्तै कार्यालयले फागुन महिनामा २६ लाख ४४ हजार , चैत्रमा २४ लाख ९७ हजार , बैशाखमा २५ लाख बीसहजार , जेष्ठमा २७ लाख २ हजार पांँचसय र असार महिनामा २२ लाख २२ हजार पांँचसय रुपैया संकलन भएको छ । कार्यालय प्रमुख सुबेदीले सवारी साधनको गल्तीको प्रकृति र संख्याको आधारमा राजश्व संकलन हरेक महिना घटबढ हुनसक्ने बताउनु भयो ।

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्

बिचौलियाको मारमा किसान