चितवन । चितवनको भरतपुर महानगरपालिका–१० मा रहेको बोस्टन इन्टरनेशनल कलेजमा ‘बिआइसि ह्याकाथन भर्सन ४’ हुने भएको छ । बोस्नट सेन्टर फर इन्फरमेसन एन्ड टेक्नोलोजिले पुस ३ देखि पुस ५ गतेसम्म चौथो संस्करणको ह्याकाथन गर्न लागेको हो । कलेजमा आज आयोजित पत्रकार सम्मेलनमा तीन वटा ह्याकाथन सफलतापूर्वक सम्पन्न गरिएको भन्दै यस संस्करणमा सातवटै प्रदेशबाट प्रतियोगिताहरु सहभागी गराउने लक्ष्य रहेको कार्यक्रमको कम्युनिकेशन अफिर राधिका सिवाकोटीले बताउनुभयो ।

सूचना प्रविधिमा नवीनतम प्रविधिको अभ्यास गर्दै विद्यार्थीहरुले निर्माण गरेको एप्लीकेशन बजारमा लैजाने उद्देश्यसहित कार्यक्रम आयोजना गरिएको सिवाकोटीको भनाइ छ । चितवनभित्रका समस्यहरुलाई समाधान गर्ने थिममा आधारित भएर कार्यक्रम बनाउने गरी प्रतियोगिता आयोजना गरिएको हो । उक्त प्रतियोगितामा देशभर रहेका कक्षा ११ र १२ एवम् स्नातक तहमा कम्प्युटर अध्ययन गर्ने विद्यार्थीहरु सहभागी हुन पाउने बताइएको छ । एउटा कलेजबाट एक समूहमात्रै प्रतियोगितामा भाग लिन पाउने भन्दै प्रतियोगितामा १५ समूह सहभागी गराइने पत्रकार सम्मेलनमा जानकारी दिइयो ।

हालसम्म कोशी, बागमती, गण्डकी र लुम्बिनी प्रदेशबाट विद्यार्थीहरु सहभागी हुने पक्का भएको भन्दै बाँकी रहेका मधेश, कर्णाली र सुदूरपश्चिमबाट समेत विद्यार्थी सहभागी गराउन पहल भइरहेको जनाइएको छ । प्रतियोगितामा ४८ घण्टासम्म निरन्तर कार्यक्रम निर्माण गर्नुपर्ने भन्दै पहिलो दिन योजनालाई कोडिङमा परिणत गर्ने एवम् दोस्रो दिन कोडिङलाई अन्तिम रुप दिने तथा तेस्रो दिन योजनाहरुर्लाइ निर्णायक समक्ष प्रस्तुत गर्नुपर्नेछ ।

एक जना छात्रासहित तीनजनाको एउटा समूह रहने प्रतियोगितामा पहिलो हुने समूहले ५० हजार रुपैयाँ, रनिङ शिल्ड, गोल्ड मेडल र प्रमाणपत्र पाउनेछ । त्यस्तै दोस्रो हुने समूहले २० हजार तथा तेस्रो हुने समूहले १० हजार रुपैयाँ पुरस्कार पाउने कार्यक्रमको कम्युनिकेशन अफिसर सिवाकोटीले जानकारी दिनुभयो ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह