रत्ननगर । चितवनको रत्ननगर नगरपालिकाले कोरोना संक्रमितको उपचार निःशुल्क गर्ने भएको छ। केन्द्र सरकारले कोरोना संक्रमितको उपचार खर्च आफैँले व्यहोर्नुपर्ने निर्णय सार्वजनिक गरेको भोलिपल्ट मेयर नारायण वनले नगरभित्रका कोरोना संक्रमितको उपचार नगरपालिकाले गर्ने घोषणा गरेका हुन् । रत्ननगर नगरपालिका वडा नं १५ को नवनिर्मित भवनको उद्घाटन कार्यक्रममा बोल्दै मेयर वनले अहिलेको प्राथमिकता नगरवासीको जीवनरक्षाको भएकाले संक्रमितको उपचार निःशुल्क गर्ने घोषणा गरे । ‘विकास अर्को वर्ष गरौँला’, उनले भने, ‘अहिले कोरोना महामारीबाट नगरवासीलाई जोगाउने हो ।’ कोरोना संक्रमितको निःशुल्क उपचारको लागि मुख्यमन्त्रीलाई आग्रह गरेको भन्दै उनले कथंकदाचित प्रदेशले नगरे रत्ननगरले नै संक्रमितको निःशुल्क उपचार गर्ने बताए । उनले दसैँलगत्तै कार्यपालिकाको बैठक बोलाएर संक्रमितको निःशुल्क उपचार गर्ने एकमात्र प्रस्ताव पारित गर्ने बताए । आर्थिक अवस्था कमजोर भएर कोरोनाको उपचार नपाएर कुनै पनि नागरिकले ज्यान गुमाउनुपर्ने अवस्था आउन नदिने उनले बताए ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

नेपाली बी–फार्मेसी विद्यार्थी सुप्रिया अधिकारीलाई मेटाबाट ३ हजार ७५० डलर पुरस्कार