चितवन ।  बातावरण सरसफाईमा युवाहरुलाई चेतना अभिबृद्धि गर्नका लागि फोहोर सङ्कलन दौड आयोजना गरिने भएको छ । भरतपुर महानगरपालिका, मेट्स इन्टरनेश्नल, र नेपाल टेलिकमको सहकार्यमा मैनादेवी फाउन्डेसनले यही मङ्सिर २९ गते भरतपुरको व्यस्त सडकमा सो कार्यक्रमको आयोजना गर्न लागेकोे हो । कार्यक्रमका व्यवस्थापक अर्जुन अधिकारीले बातावरण सरसफाईमा युवाको भूमिका बुझाउन चितवनमा पहिलोपटक दौडको आयोजना गर्न लागिएको बताउनुभयो । उहाँका अनुसार यस दौडमा दुई जनाको समुह निर्माण गरी एक घण्टामा ५ किलोमिटर दुरी पार गरी सडकमा भएका फोहोर टिप्नु पर्ने हुन्छ ।

उहाँले भन्नुभयो “जुन समुहले फोहोर धेरै टिप्छ त्यसलाई पुरस्कार समेत व्यवस्था गरेका छौ ।” भरतपुर महानगरपालिकाको सहकार्यमा आयोजना गर्न लागिएको फोहोर टिप्ने दौड कार्यक्रममा चितवन सहित देशका ३ हजार भन्दा बढीको सहभागीता रहने छन् । युवा माझ फोहोर नगरौ भन्ने सन्देश दिन र बातावरण जोगाउदैं खेलसंग जोड्नका लागि दौडको आयोजना गरिएको उहाँले बताउनुभयो । मैनादेवी फाउन्डेसनका अध्यक्ष केपी खनालले प्रतियोगितामा प्रथम, द्घितिय र तृतिय हुनेले क्रमश रु ५०, २५ र १५ हजार प्राप्त गर्ने कुरा बताउनु भएको छ।

यस अघि दुईपटक सम्म काठमाडौंमा आयोजना गरीएको यस कार्यक्रम अहिले चितवनमा गर्न लागिएको उहाँले बताउनुभयो । उहाँले भन्नुभयो “युवाहरुलाई सामाजिक काममा प्रेरणा दिनका लागि यो कार्यक्रमको आयोजना गर्न लागिएको हो ।” सरसफाईमा युवाहरुको भूमिका महत्वपूर्ण हुने उहाँले बताउनुभयो । यो कार्यक्रम मंसिर २९ गते भरतपुर महानगरपालिका १० अरोमा कलेजको मैदानबाट सुरु हुनेछ भने बिहान ७ बजे सबै प्रतियोगी उक्त स्थानमा पुगिसक्नु पर्नेछ।

प्रतियोगीतामा भाग लिनका निम्ति गुगल फर्म मैनादेवी फाउन्डेसनको पेजबाट भर्न सकिने छ भने इच्छुकहरुले ९८४७५५०८०६, ९८५५०१५३६२ मा समेत सम्पर्क गर्न सक्नुहुनेछ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

नेपाली बी–फार्मेसी विद्यार्थी सुप्रिया अधिकारीलाई मेटाबाट ३ हजार ७५० डलर पुरस्कार