चितवन । यहि पौषको २७ गते शनिबार नेपाल मगर सांस्कृति संघ चितवनले दोस्रो खुला कानराहा (कौराहा) प्रतियोगिता गर्ने भएको छ । २७ गते शनिबार भरतपुर ७ क्यान्सर अस्पतालको अडिटोरियम हलमा कौराहा प्रतियोगिता गर्न लागेको आज पत्रकार सम्मेलन गरी जानकारी दिएको छ ।

आधुनिक प्रविधिको बढ्दो विकास संगै मगर जातिको सांस्कृतिक पहिचान बोकेको कानराहा (कौराहा) को वास्तविक रस हराउदै गएको महसुस भएकाले नयाँ पुस्तालाई हस्तान्तरण गराउने उदेश्यले दोस्रो पटक खुल्ला कानराहा (कौराहा) प्रतियोगिता आयोजना गर्न लागेको नेपाल मगर सांस्कृतिक संघ चितवनका अध्यक्ष प्रेम माया आले मगरले जानकारी दिनु भयो । प्रतियोगितामा पहिलो शृखंलामा सात समुहले सहभागिता जनाएको थियो ।

यसपट दोस्रो शृखंलामा भने दश समुहले सहभागिता जनाउने आयोजकले अपेक्षा गरेको छ । चितवन सहित छिमेकी जिल्लाहरुबाट समेत प्रतियोगितामा सहभागिता गराउने प्रयास भैरहेको पत्रकार सम्मेलनमा जानकारी दिएको छ । मगर समुदायको मुख्य पर्व माघे सक्रान्तिको अवसर पारेर आयोजना गरीएको यस प्रतियोगितालाई कानराहा महोत्वसकै रुपमा लिएको जनाएको छ ।

प्रतियोगितामा भाग लिनको लागी आवेदन खुला भैसकेको छ जसमा दर्ता शुल्क ५ हजार तोकीएको छ भने प्रतियोगिताको प्रथम पुरस्कार नगद रु ३५ हजार, द्धितिय पुरस्कार २० हजार, तृतिय पुरस्कार १० हजार, र सान्तवना पुरस्कार रु ५ हजार राखीको आयोजकले जनाएको छ । प्रतियोगितामा संस्थापक अध्यक्ष तथा लोक तथा दोहोरी गीत प्रतिष्ठान नेपालका वरिष्ठ लोक तथा दोहोरी गायक अमरविरही गुरुङ, लोक तथा दोहोरी गायिका रञ्जिता थापामगर, लोक तथा दोहोरी गायक बलविक्रम थापामगरले मनोरञ्जन दिने छन् भने मगर समुदायमा प्रचलित नचरी नाच समेत देखाइने छ ।

नयाँ पुस्तामा पनि पुराना मौलिक संस्कार, संस्कृतिलाई हस्तान्तरण गराउनुपर्छ भन्ने मुख्य उदेश्य सहित संस्कृति संरक्षण सम्वद्र्धनको लागि वि.सं २०७५ साल साउनमा नेपाल मगर संघ चितवनको भातृ संस्थाको रुपमा नेपाल मगर सांस्कृतिक संघ चितवनको स्थापना भएको हो ।

सांस्कृतिक संघमार्फत चितवनमा मगर जातिको सांस्कृति परिवेशलाई थप मजबुत बनाउने प्रयास गर्ने क्रममा २०७९ सालमा पहिलो पटक खुला कानराहा (कौराहा) प्रतियोगिता गरीएको थियो ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह