चितवन । भरतपुर–४ लंकूस्थित हरिकीर्तन धार्मिक संस्था (लक्ष्मीवेङ्कटेश मन्दिर)मा जारी श्रीमद्भागवत सप्ताह ज्ञान महायज्ञमा भोलि कमलनयनाचार्य (मुक्तिनाथ बाबा), नेपाल सन्त समाजका केन्द्रीय अध्यक्ष स्वामी ज्ञानानन्द सरस्वती, लक्ष्मीवैकुण्ठनाथ मन्दिर लंकूका पीठाधीश स्वामी जगन्नाथाचार्य लगायतका सन्तहरूको आगमन हुने भएको छ ।

मुक्तिनाथ बाबाबाट एकवर्षीय अखण्ड श्री हरिनाम संकीर्तन स्मारकको उद्घाटन एवम् संस्थापक अध्यक्ष अखण्ड हरिकीर्तन बाबा उमानाथ कँडेललाई आचार्य (महन्त)मा पट्टाभिषेक गर्ने कार्यक्रम छ । त्यस्तै, नारायणाचार्य/टीकाराम गुरुबाट अतिथि–गृहको उद्घाटन गर्ने कार्यक्रम पनि रहेको मीडिया संयोजक माधव सापकोटाले जानकारी दिए । महायज्ञमा आइतवारसम्म नगद तथा बोलकबोलगरी १ करोड रुपैयाँ संकलन भएको महायज्ञका आर्थिक संयोजक भानुभक्त कंडेलले बताए ।

महायज्ञको मध्यभाग चल्दै गर्दा भक्तजनहरूको सहभागितामा बढ्दै गइरहेको छ भने दाताहरुबाट स्वतःस्फूर्तरूपमा आर्थिक सहयोग प्राप्त भइरहेको महायज्ञ मूल समितिका संयोजक टीकाराम कंडेलले बताए । शालग्रामाचार्य गुरु आश्रम नाग्लिवाङ्गका नारायणाचार्य/टीकाराम गुरुको प्रधान आचार्यत्वमा जारी महायज्ञमा लोकप्रिय कथावाचक स्वामी डा चक्रपाणि आचार्यले दैनिक रुपमा श्रीमद्भागवत प्रवचन गरिरहेका छन् ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह