भरतपुर । भवानी डेरीले शाखा विस्तार गरेको छ । विगत एक वर्ष देखि सञ्चालनमा आएको भवानीले आफ्नो दोस्रो शाखा भरतपुर १० रिजाल चोकमा विस्तार गरेको हो । सो शाखाको आज एक कार्यक्रमका विच भरतपुर १० वडाध्यक्ष अरुण पीडित भण्डारीले उद्घाटन गर्नुभएको थियो । उहाँले दुध स्वास्थ्यको लागी राम्रो रहेको बताउनुभयो ।

कोभिड संक्रमण बढी रहेको समयमा दुधमा पाहिने पौषटिक पदार्थले रोग संग लड्ने क्षमता बृद्धिहुने भण्डारीको भनाई थियो । प्रमुख अतिथि समेत रहनुभएका भण्डारीले रोजगार क्षेत्रको विकासले युवा वर्गलाई देशमै रोक्न सकिनेमा जोड दिनुभएको थियो । आफ्नो क्षेत्रबाट हुने हर सहयोग गर्ने उहाँको प्रतिबद्धता रहेको छ ।

भवानी डेरीका संचालक सुभाष पौडेल, देवराज बराल, दृष्य बराल रहनुभएको छ । उहाँहरुले युवाहरुले दुःख गर्ने बानी बसाले रोजगारको स्रोत र अवसर नेपालमै रहेको बताउनुभएको थियो । उहाँहरुले भन्नुभयो, “हामी ठुलो भाग खोज्छौ, दुःख गर्न खोज्दैनौ, विदेशमा नोट रुखमा फल्दैन तर पशिना बगाउन तयार रहन्छौ । दुःख गर्न सके नेपालमा अवसर नै अवसर रहेको छ ।”

सञ्चालनमा आएको डेरीमा दुधका सम्पुर्ण परिकार उपलब्ध रहेको छ । डेरीमा कार्यरत सबै नेपाली कर्मचारी रहेका छन् । यहाँ उत्पादित घिउ इलाम सम्म जानेगरेको छ ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

नेपाली बी–फार्मेसी विद्यार्थी सुप्रिया अधिकारीलाई मेटाबाट ३ हजार ७५० डलर पुरस्कार