गैंडाकोट । गैंडाकोट पम्पिङ स्किम खानेपानी तथा सरसफाइ उपभोक्ता समूहले आफ्नै कार्यालय परिसरमा महाशिवरात्रि अवसर पारेर शिवको मूर्ति तथा संस्थापक अध्यक्ष शोभाखर रिमालको शालिक अनावरण गरेको छ। बुधबार गैंडाकोट नगरपालिकाका मेयर मदनभक्त अधिकारीले मूर्तिहरूको अनावरण गरे। प्रमुख अतिथि मेयर अधिकारीले खानेपानी संस्थाले स्वच्छ पानी उपलब्ध गराउन सफल भएको बताउँदै, आगामी दिनमा उपभोक्ताका गुनासोलाई सम्बोधन गर्न आग्रह गरे।

कार्यक्रमको अध्यक्षता उपभोक्ता समूहका अध्यक्ष कृष्णप्रसाद न्यौपानेले गरेका थिए। उनले जनस्वास्थ्य, वातावरणीय दिगोपन, र सामाजिक विकास प्रवर्द्धनका लागि संस्थाले आगामी दिनमा नवीनतम कार्यक्रम सञ्चालन गर्ने प्रतिबद्धता व्यक्त गरे। साथै, संस्थापक अध्यक्ष शोभाखर रिमालको योगदानको सम्मानस्वरूप शालिक निर्माण गरिएको बताए।

उक्त कार्यक्रममा वडा नम्बर ४ का वडाध्यक्ष तेजप्रसाद घिमिरे, नगर कांग्रेस सभापति बद्री सापकोटा, धनबहादुर पौडेल, दुर्गाजीत कुँवर, रोशनभक्त अधिकारी, महेन्द्र कार्की, कमला तिवारी, गोकुल सापकोटा, ओमप्रसाद सापकोटा, अस्मिता घिमिरे, शान्ति सुवेदी सापकोटा लगायत अतिथिहरूको उपस्थिति रहेको थियो। कार्यक्रममा समूहका उपाध्यक्ष कृष्ण सापकोटाले स्वागत मन्तव्य राखेका थिए भने सचिव केशवराज शर्माले कार्यक्रम सञ्चालन गरेका थिए।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह