चितवन । नेकपा माओवादी केन्द्रका अध्यक्ष एबं पूर्ब प्रधानमन्त्री पुष्पकमल दाहाल प्रचण्डले सरकार परिवर्तन तर्फ आँफुहरुको ध्यान नरहेको बताउनुभएको छ । आज यहाँ पत्रकारहरुसंग कुराकानी गर्दै उहाँले नयाँ वर्षमा केहीन केही निकास भने लिएर आउने बताउनुभयो ।

उहाँले भन्नुभयो “सरकार तिर हाम्रो ध्यान तेति चाहि छैन । तर परिस्थिति त्यस्तो वन्दै छ की यो सरकार धेरै अगाडी जान सहज छैन भन्ने कुरा देखिएको छ । त्यसकारण कुनै पनि सम्भावना हुन सक्छ ।” सरकार प्रति चौतर्फि असन्तुष्टि, आक्रोश, आवेग जनतामा वढेको बताउँदै उहाँले जनताका समस्या समाधान गर्न सरकारलाई आग्रह गर्नुभयो ।

शिक्षक, डाक्टर, नर्स, लघुबित्त पिडित, सहकारी पिडित र राजनैतिक दलहरु आन्दोलनमा रहेको बताउँदै उहाँले जनताको माग सम्बोधन गर्न सरकार चुकेको बताउनुभयो ।उहाँले भन्नुभयो “सरकारमा भएका पनि सडकमा आउन थालेका छन् भने पछि परिस्थिति निकैनै गम्भिर र पेचिलो वनेको छ ।” नयाँ वर्षले केहीन केही निकास लिएर आउँने उहाँको भनाई थियो । आँफुले विश्वासको मत लिदाँखेरी नै सबैभन्दा ठूलो दलको नेतृत्वमा सरकार वन्ने कुरा सही हो भनेर त्यतिवेला भनेको बताउँदै दाहालले पछिल्लो चोटी केही घटनाक्रमहरु नयाँ भए र नयाँ अनुभव सहित आँफुले भनेको बताउनुभयो ।

फरक प्रसंगमा बोल्दै अध्यक्ष दाहालले नयाँ वर्ष २०८२ मा नयाँ संकल्पका साथ अघि वढ्न जरुरी रहेको बताउनुभयो । उहाँले जनता र राष्ट्रको आबश्यकता अनुसार अघि वढ्नका लागि नयाँ संकल्प जरुरी रहेको बताउनुभयो । उहाँले भन्नुभयो “वि. सं. २०८१ ले ०८२ को लागि आधार दिएको छ । अझ राम्रो काम गर्नका लागि राजनैतिक दलहरुलाई आत्म समिक्षा गर्न, आत्म आलोचना गर्न, जनता र राष्ट्रको आबश्यकता अनुसार अघि वढ्नका लागि नयाँ संकल्प गर्नका लागि आधार दिएको छ ।

नयाँ वर्षमा त्यो संकल्प जरुरी छ ।” उहाँले थप्नुभयो “बि.सं.२०८१ समग्रमा भन्नु पर्दा मिश्रीत अनुभवको रह्यो । केही सकारात्मक र केही नकारात्मक कामहरुपनि भए । समग्रमा भन्दा त्यस्तो उत्साहा वर्धक भन्ने पनि रहेन धेरै निरासा जनक भन्ने पनि भएन ।”

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह