हेटौँडा ।  भेटेरीनरीको कागजात नभएको गाईगोरुसहितको ट्रक मकवानपुर प्रहरीले नियन्त्रणमा लिएको छ । हेटौंडा हुँदै वीरगन्जतर्फ जाँदै गरेको बा.प्र.०३–००१ ख १२२० नम्बरको ट्रकलाई प्रहरीले नियन्त्रणमा लिएको हो ।

जाँच गर्न रोक्ने क्रममा चालक ट्रक छोडेर भागेका थिए । ट्रक अनुसन्धान गर्ने क्रममा भेटेरीनरीको कागजात नभएको ८ वटा गाई र ७ वटा गोरु फेला परेको जिल्ला प्रहरी कार्यालय मकवानपुरले जनाएको छ । गाईगोरुसहितको ट्रकलाई आवश्यक कारबाहीका लागि पशुसेवा केन्द्र कार्यालय हेटौंडामा बुझाइएको जिल्ला प्रहरी कार्यालय मकवानपुरले जनाएको छ ।

पशुसेवा केन्द्र हेटौंडाले यसअघि आफ्नो कार्यक्षेत्रभन्दा बाहिर गएर बाराबाट गाईगोरुसहितको ट्रकसमेत नियन्त्रणमा लिएको थियो । प्रहरीले जिम्मा लगाएको ट्रकलाई आवश्यक कारबाही प्रक्रिया अघि बढाइएको पशुसेवा कार्यालयले जनाएको छ ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह