नवलपुर । नवलपुरको गैँडाकोटमा रहेको जयश्री फुड्स प्रालि तथा जयश्री च्यारिटी नेपालले जिल्ला प्रहरी कार्यालय नवलपुरलाई शुद्ध पिउने पानीको धारा जडान गरिदिएको छ ।

प्रहरी कार्यालयमा आउने सेवाग्राहीलाई लक्षित गरी बिहीबार फिल्टरसहितको शुद्ध चिसो पिउने पानी आउने धारा जडान गरिएको हो । प्रहरी कार्यालयमा सेवाग्राहीको उपस्थिति धेरै रहने तर पिउने पानीको अभाव भएको गुनासो पछि चिसो पानीसहितको शुद्ध खानेपानीको धारा गरिदिएको जयश्री च्यारिटी नेपालका अध्यक्ष एवम् जयश्री फुड्स प्रालिका सञ्चालक पवन कुमार अग्रवालले बताउनुभयो । आफूहरुले विगतमा समेत सामाजिक कामहरु गर्दै आएको उल्लेख गर्दै अग्रवालले आगामी दिनमा समेत प्रहरी र समुदायका लागि सहयोगको काम गर्ने बताउनुभयो ।

प्रहरी कार्यालयमा खानेपानीको धारा जडानपश्चात यहाँ आउने सेवाग्राहरु लाभान्वित हुने जिल्ला प्रहरी कार्यालय नवलपुरका प्रमुख प्रहरी उपरीक्षक यादव ढकालले बताउनुभयो । “प्रहरी कार्यालयमा दैनिक पाँच सय भन्दा बढी सेवाग्राही आउने गरेका थिए” उहाँले भन्नुभयो, “यो गर्मीमा खानेपानी अभाव थियो, अब भने सहज हुन्छ ।” प्रहरी कार्यालयमा जडान गरिएको स्वचालित फिल्टरसहितको चिसो पानी आउने धाराबाट सेवाग्राहीसँगै प्रहरीसमेत लाभान्वित हुने ढकालको भनाइ छ ।

यसैबीच, जयश्री फुड्स प्रालि तथा जयश्री च्यारिटी नेपालको आयोजनामा वैशाख २० गते खुला रक्तदान कार्यक्रम आयोजना गरिएको जयश्री फुड्स प्रालिका व्यवस्थापक अमित अग्रवालले बताउनुभयो । जयश्री फुड्स प्रालिको १३औँ स्थापना दिवसको अवसर पारेर शनिबार उद्योग परिसरमा नै रक्तदान कार्यक्रम गरिएको अग्रवालले जानकारी दिनुभयो । रक्तदान कार्यक्रममा उपस्थित भएर रक्तदान गरी मानवीय काम गर्दै पूण्य कमाउने उहाँले सम्पूर्णमा आग्रह गर्नुभएको छ ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह