भरतपुर ।  चितवनको नारायणी नमूना माध्यमिक विद्यालयका सहायक प्रधानाध्याकले आफ्नै विद्यार्थीलाई अभद्र व्यवहार गरेको आरोपमा पक्राउ परेका छन । विद्यालयका सहायक प्रधानाध्यापक त्रिलोचन सापकोटाले सोही विद्यालयकी १५ वर्षीया छात्रामाथि अभद्र व्यवहार गरेको भन्दै परेको उजुरीको आधारमा प्रहरीले पक्राउ गरेको हो ।

उनलाई १८ गते पक्राउ गरिएको जिल्ला प्रहरी कार्यालय चितवनका सूचना अधिकारी डिएसपी रविन्द्र खनालले जानकारी दिए । ‘छात्रालाई अस्लिल कुरा पठाएको र अभद्र व्यवहार गरेको भन्ने आरोपमा उजुरी परेको छ,खनालले भने,मुद्धा दर्ता गरेर अनुसन्धान भइरहेको छ ।’ शुक्रबार म्याद थप गरेर थप अनुसन्धान अघि बढाइएको उनले बताए ।

सापकोटाले छात्रालाई अस्लिल फेसबुकमार्फत अस्लिल कुराहरु समेत पठाएको आरोप लगाइएको छ । विद्यालयका प्रधानाध्यापक रामशरण दुवाडीले पनि सहायक प्रधानाध्यापक सापकोटा पक्राउ परेको पुष्टि गरे । उनले भने,‘विद्यार्थी अभिभावकको आरोपमा प्रहरीले नियन्त्रणमा लिएको छ,प्रहरीको अनुसन्धानबाट थप कुरा प्रष्ट होला ।’

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

नेपाली बी–फार्मेसी विद्यार्थी सुप्रिया अधिकारीलाई मेटाबाट ३ हजार ७५० डलर पुरस्कार