चितवन । चितवनको खैरहनी नगरपालिकामा कुटपिटमा संलग्न भएको आरोपमा दुई जना पक्राउ परेका छन् । आज (मंगलबार) खैरहनी नगरपालिका वडा नम्बर ८ स्थित आहार क्याफेमा खाजा खाइरहेका व्यक्तिहरूलाई धारिलो हतियार प्रयोग गरी कुटपिट गरेको आरोपमा उनीहरु पक्राउ परेका हुन् । पक्राउ पर्नेमा राप्ती नगरपालिका ४ का मिलन रुम्बा र विशाल लामा रहेका छन् ।

गैडाकोट घर भएका सरोज क्षेत्री लगायतका तीनरचार जना व्यक्तिहरूले क्याफेमा खाजा खाइरहेको समयमा दिपेन्द्र सिंह गोले, गणेश लामा र अमृत आचार्यलाई धारिलो हतियार प्रयोग गरी कुटपिट गरेको जिल्ला प्रहरी कार्यालय चितवनले जानकारी दिएको छ ।

कुटपिटबाट गोलेको बायाँ हातको नाडीमा गहिरो चोट लागेको छ भने लामाको बायाँ हात र तिघ्रामा मध्यम चोट लागेको बताइएको छ । आचार्यलाई सामान्य चोट लागेको छ । घाइतेहरूलाई उपचारका लागि नयाँ मेडिकल कलेज, भरतपुर ल्याइएको प्रहरीले बताएको छ । प्रहरीले घटनाको थप अनुसन्धान जारी राखेको जानकारी दिएको छ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह