चितवन । चितवनमा खो खो खेल क्षमता अभिवृद्धि प्रशिक्षक प्रशिक्षण सुरु भएको छ । जिल्ला खेलकुद बिकास समिति चितवनले प्रदेश खेलकुद बिकास परिषद् बागमती प्रदेशको सहयोगमा उक्त ५ दिने तालिम आयोजना गरेको हो । तालिमको आज (शुक्रबार) जिल्ला समन्वय समितिको सभाहलमा एक कार्यक्रमकाबीच प्रदेश खेलकुद बिकास परिषद् बागमती प्रदेशका सदस्य सचिव दीपक लामाले उद्घाटन गरे । सो क्रममा लामाले प्रदेशमा खेलकुद ऐन बनिरहेको बताए ।

उनले ऐन बनेपछि खेलकुदका लागि कोशेढुङ्गा हुने विश्वास व्यक्त गरे । यस्तै उनले तालिम उपलब्धिमूलक बनाउन आग्रह गरे । उनले तालिमबाट दक्षता हासिल गर्दै खो खो खेलमा बिकासका लाग्न सम्पूर्ण प्रशिक्षार्थी प्रशिक्षकहरुलाई आग्रह गरे । खो खो संघका केन्द्रीय अध्यक्ष प्रदिप महर्जनले यो कार्यक्रम निकै महत्त्वपूर्ण भएको बताए । उनले हाल खो खो खेलमा नेपाली खेलाडीहरुको अन्तरराष्ट्रिय प्रतियोगितामा सहभागिता बढिरहेको बताए । यस कारण पनि यस किसिमको कार्यक्रम आवश्यक रहेको उनको भनाइ थियो । जिल्ला प्रहरी कार्यालय चितवनका प्रमुख प्रहरी उपरिक्षक गोविन्द्र पुरीले तालिमको सफलताको कामना गरे । उनले यसलाई उपलब्धिमूलक बनाउन पनि आग्रह गरे ।

१८ गतेसम्म सञ्चालन हुने तालिममा बागमती प्रदेश अन्तर्गतका १२ जिल्लाबाट प्रशिक्षार्थी प्रशिक्षकहरु सहभागी छन् । उनीहरुलाई खो खो प्रशिक्षक लक्ष्मीनारायण वैद्य र दीलिपकुमार महर्जनले प्रशिक्षण दिनेछन् । खो खो सम्बन्धी क्षमता अभिवृद्धिका लागि यो तालिम आयोजना गरिएको जिल्ला खेलकुद बिकास समिति चितवनका अध्यक्ष राजन कार्कीले बताए । ५ महिला अघि मात्रै भएको प्रथम खो–खो विश्वकप प्रतियोगितामा नेपाल उपविजेता भएको थियो ।

नेपालको महिला र पुरुष दुवै टोली फाइनल प्रवेश गर्दै ऐतिहासिक उपलब्धि हासिल गर्न सफल भएको थियो । जुन कुनै पनि टिम गेममा नेपाल विश्वकपको फाइनल खेलेको पहिलो पटक थियो ।

आगामी तीन दिन देशका अधिकांश स्थानमा मौसम सफा रहने

तीन महिनामा २० हजारभन्दा बढीले गरे पाथीभराको दर्शन, ३३ लाख २६ हजार भेटी संकलन

बाढी प्रभावित ऋणीलाई बैंकको किस्ता तिर्न पुस मसान्तसम्मको समय