जनकपुरधाम । नेपाल भारत सीमास्थित धनुषाको महिनाथपुर नाका पारी एसएसबी जवानमाथि आक्रमण भएको छ । भारततर्फ जयनगर अनुमण्डलको बासो पट्टी थाना अन्तर्गत महिनाथपुर बोर्डरमा बिहान १० बजे एसएसबी जवानको बन्दुक खोस्न खोज्दा गोली चलाएको छ ।

त्यस क्रममा आक्रमण गर्ने एकजनाको कम्मरमा गोली लागेको भारतीय प्रहरीले जनाएको छ । सो क्रममा एकजना एसएसबी जवान घाइते भएका छन् । आक्रमण गर्ने एकजनालाई पक्राउ समेत गरेको भारतीत प्रहरीले जनाएको छ । भारतीय प्रहरीका अनुसार, नेपाल तर्फबाट कच्चीबाटो भएर प्रवेश गरेको ४/५ जना व्यक्तिलाई एसएसी जवानले रोक्न खोज्दा विवाद भएको थियो । त्यस क्रममा उनीहरुले एसएसवी जवानमाथि नै आक्रमण गरेर बन्दुक खोस्न खोजेका थिए ।

त्यस क्रममा आत्मरक्षाका लागि एसएसबीले दुई राउण्ड गोली प्रहार गरेका थिए । सशस्त्र प्रहरी बल धनुषाका प्रहरी उपरीक्षक (एसपी) निर्मल खड्काले बोर्डर पारितिर एसएसबी विवादको क्रममा चार राउण्ड गोली प्रहार गरेको बताएका छन् ।

आगामी तीन दिन देशका अधिकांश स्थानमा मौसम सफा रहने

तीन महिनामा २० हजारभन्दा बढीले गरे पाथीभराको दर्शन, ३३ लाख २६ हजार भेटी संकलन

बाढी प्रभावित ऋणीलाई बैंकको किस्ता तिर्न पुस मसान्तसम्मको समय